ۇقك ءتوراعاسىنىڭ ورىنباسارى ەرلان ءقاريننىڭ جاڭا لاۋازىمىنا قاتىستى ءوز پىكىرىن ءبىلدىردى دەپ حابارلايدى tengrinews.kz، مالىمەتتىڭ قازاقشا نۇسقاسىن «قامشى» پورتالى وقىرمان نازارىنا ۇسىنادى.

10 اقپان كۇنى ۇلتتىق قاۋىپسىزدىك كوميتەتى قازاقستانداعى ەكسترەميزم مەن تەرروريزمگە قارسى مەملەكەتتىك جوبانى تالقىلادى. بۇل جيىنعا كۇنى كەشە عانا «قازاقستان» رەسپۋبليكالىق تەلەراديوكورپوراسياسى» اكسيونەرلىك قوعامىنىڭ ءتوراعاسى بولىپ سايلانعان ەرلان قارين دە قاتىسۋى كەرەك بولاتىن.

«ءبىز ەرلان ءقاريندى ءوز پىكىرىن ءبىلدىرسىن دەپ شاقىرعان بولاتىنبىز. الايدا، كۇنى كەشە عانا ونى جاڭا قىزمەتكە تاعايىندادى»، - دەپ مالىمدەدى ۇقك ءتوراعاسىنىڭ ورىنباسارى نۇرعالي بىلىسبەكوۆ.

ول ەرلان ءقاريننىڭ قازاقستان ستراتەگيالىق زەرتتەۋ ينستيتۋتىندا جاساعان ەڭبەكتەرىن ايتا كەتتى.

«ول ءوز ءىسىنىڭ مامانى، ەرلان قارين جاڭا قىزمەتكە تاعايىندالعان سوڭ جاڭا پروفيلاكتيكا (تەرروريزم مەن ەكسترەميستەرگە قارسى) جۇمىسى قارقىنداي باستايدى دەپ سەنەمىز. ونىمەن بۇعان دەيىن دە سويلەسكەنىمدە ءوزىنىڭ دايىن ەكەندىگىن، ءوزىنىڭ ارىپتەستەرىمەن بىرگە مەملەكەتتىك جوبانىڭ دايىن ءتۇرىن ەكسپەرتتەردىڭ باعالاۋىنا جىبەرۋ ءۇشىن جۇمىس جاساپ جاتقاندىعىن جەتكىزگەن بولاتىن»، - دەپ ءوز پىكىرىن ايتتى ۇقك ءتوراعاسىنىڭ ورىنباسارى.

ەستەرىڭىزگە سالا كەتسەك، ەرلان قارين كەشە «قازاقستان رەسپۋبليكالىق تەلەراديوكورپوراسياسى» اكسيونەرلىك قوعامىنىڭ ءتوراعاسى بولىپ سايلانعان بولاتىن. وسى ۋاقىتقا دەيىن ول قازاقستان ستراتەگيالىق زەرتتەۋ ينستيتۋتىن باسقارعان. ول «ورتا ازياداعى ەكسترەميزم»، «قازاقستاننىڭ ۇلتتىق قاۋىپسىزدىگى: ءقاۋىپ يەرارحياسى»، «قازاقستاننىڭ ىشكى ساياساتى: جاڭا باسىمدىقتاردىڭ جاسالۋى» اتتى كىتاپتارىنىڭ اۆتورى. 

اۋدارعان: نازەركە لابيحان