دومينيكان رەسپۋبليكاسىندا راديودان تىكەلەي ەفير جۇرگىزىپ وتىرعان ەكى ءجۋرناليستى ءولتىردى دەپ حابارلايدى bbc.com. اتالمىش قىلمىسقا قاتىسى بار دەگەن كۇدىكپەن ءۇش ادام قۇرىقتالدى.

دومينيكاندىق 103FM راديوسىندا ەفير ۋاقىتىندا جۋرناليستەردىڭ ءبىرى Facebook-تە تىكەلەي ەفير جۇرگىزىپ وتىرعان. ءبىر ۋاقىتتا لۋيسا مانۋەليا مەدينا سويلەپ جاتقاندا وق اتىلعان دىباستار شىعىپ، ايەلدەردىڭ شىڭعىرعانى ەستىلگەن.

مەدينا مەن باعدارلاما پروديۋسەرى لەو مارتينەس قايتىس بولدى. ءبىر ادام جارالاندى. ءقازىر اۋرۋحانادا جاتىر.

پوليسيا شابۋىلدىڭ سەيسەنبى كۇنى سان-پەدرو-دە-ماكوريستە بولعانىن حابارلادى.

تۇتقىندالعاندارعا ءالى ايىپ تاعىلمادى. پوليسيا جۋرناليستەرگە نە ءۇشىن شابۋىلداعانى ءالى بەلگىسىز ەكەنىن ايتادى.

بۇل تىكەلەي ەفيردە جۋرناليستەرگە جاسالعان ءبىرىنشى شابۋىل ەمەس. 2015 جىلدىڭ تامىز ايىندا ەكى امەريكاندىق جۋرناليست ۆيردجينيا شتاتىندا تەلەترانسلياسيا كەزىندە كوز جۇمعان.

دومينيكان پوليسياسىنىڭ مالىمەتىنشە، ەلدە  10 ميلليوننان استام حالىق تۇرادى. ەلدە جىلدا 70% ادام ءولتىرۋ قىلمىسى قارۋمەن جاسالىنادى ەكەن.