قىتايدا بايقاۋعا قاتىسىپ جاتقان وتانداسىمىز ديماش قۇدايبەرگەن پاندالارمەن جۇزدەسكەن رەسمي 1ء-شى ەلشى اتاندى دەپ حابارلايدى "قامشى" پورتالى.

بايقاۋ ءوتىپ جاتقان چانشا قالاسىنان چاندۋ قالاسىنا ديماش ارنايى ۇشىپ بارىپ، "I am in China" جوباسى اياسىندا پاندالارمەن كەزدەسكەن. بۇل تۋرالى ءانشى ءوزىنىڭ Instagram پاراقشاسىندا جازدى.

"الەمدىك جانۋارلاردى قورعاۋ ۇيىمىنىڭ لوگوتيپىنەن پاندانىڭ سۋرەتىن كورگەندە "نە سەبەپتى ءدال وسى جانۋار قىزىل كىتاپقا ەڭىپ جاتقان مىڭداعان تىرشىلىك يەسىنەن ءبىرىنشى ورىندا، ۇلكەن نازارعا يە" دەپ ويلايتىن بولارسىزدار؟! بۇل جانۋار الەم بويىنشا 2000-عا جۋىق قانا سانى قالىپتى. ءومىر سۇرۋلەرى ەرەكشە! مىنەزدەرى ادامعا ۇقساس. رەنجىپ قالادى، ەركەلەيدى!... مەن كەشە ولارمەن كەزدەستىم... 
قىتايدىڭ سىچۋان ولكەسى جەر جۇزىندەگى بارلىق پاندانىڭ وتانى! چاندۋ قالاسىنا ارنايى ۇشىپ بارىپ، وسىناۋ سۇيكىمدى جانۋارلارمەن جاقىناراق تانىستىم. الەم بويىنشا تۇڭعىش رەت "I'm in China" جوباسى اياسىندا پاندالارمەن جۇزدەسكەن رەسمي 1ء-شى ەلشى اتاندىم! اقىل-ساناسى جەتىك ءار ادام بالاسى اللانىڭ جاراتقان ءار تىرشىلىك يەسىنە مەيىرىممەن قاراۋى ءتيىس!"، - دەدى ديماش قۇدايبەرگەن.

سونداي-اق، ديماشتىڭ دوسى ءارى پروديۋسەرى الپامىس شاريموۆ پاندالارمەن كەزدەسۋگە بارعان ساتىنەن ۆيدەو ءبولىستى.