بۇگىن ءدىن ىستەرى جانە ازاماتتىق قوعام ءمينيسترى نۇرلان ەرمەكبايەۆ رەسپۋبليكالىق «اسىل ارنا» تەلەارناسىنا رەسمي ساپارمەن كەلدى  دەپ حابارلايدى Qamshy.kz.

نۇرلان بايزاق ۇلى تەلەارنا ورنالاسقان عيماراتتى تولىق ارالاپ كورىپ، شىعارماشالىق، تەحنيكالىق قۇراممەن تانىستى. وسى كۇنگە دەيىن اتقارىلعان شارۋالارعا وڭ باعاسىن بەردى. ءوندىرىس جۇيەسىنە قانىققان مينيستر «اسىل ارنا»، ءدىن ىستەرى جانە ازاماتتىق قوعام مينيسترلىگى جانە قازاقستان مۇسىلماندارى ءدىني باسقارماسى اراسىندا جاسالعان ءۇش جاقتى مەموراندۋم نەگىزىندە ەلەۋلى جۇمىستار اتقارالىپ جاتقانىن اتاپ ءوتتى. ەلباسى جولداۋى مەن مەملەكەتتىك ساياساتتىڭ ناسيحاتتالۋى، ەكسترەميزممەن كۇرەستەگى اعارتۋشىلىق شارالارىنىڭ ارنا ەفيرىندە كورىنىس تابۋىنا وڭ باعاسىن بەردى.

سونداي-اق نۇرلان ەرمەكبايەۆ «اسىل ارنانىڭ» قوعامداعى ورنى ەرەكشە ەكەنىن تىلگە تيەك ەتىپ، الداعى ۋاقىتتارى مينيسترلىك پەن تەلەارنا اراسىنداعى بايلانىس بۇدان كەيىن دە نىعايا تۇسەتىنىن جەتكىزدى، ۇجىمنىڭ شىعارماشىلىق جۇمىستارىنا تابىس تىلەدى.