سوڭعى ۋاقىتتا قازاقستانداعى قور بيرجاسىندا قىزىق جاعداي ورىن الىپ جاتىر: تەڭگە -دوللارعا قاتىستى نىعايىپ، ال رۋبلگە قاتىستى  كەرىسىنشە السىرەپ بارادى.

22 اقپاندا وتكەن كۇندىزگى سەسسيا  قورىتىندىسىندا دوللاردىڭ ورتاشا باعامى T+0 ەسەبى بويىنشا ساۋدا كولەمىنىڭ $218،5 ملن بولعاندىعىن ەسەپكە العاندا   $1 دوللار ءۇشىن    313،45 تەڭگەنى قۇرادى.

سول كۇنى ءرۋبلدىڭ ورتاشا باعامى T+0 ەسەبى بويىنشا   ساۋدا كولەمىنىڭ 10 ملن رۋبل بولعاندىعىن ەسەپتەگەندە 1 رۋبل ءۇشىن  5،4600 تەڭگەنى قۇرادى.

KASE-داعى  دوللار كۋرسى قاڭتاردىڭ سوڭىندا جىلدىق مينيمۋمدارىن جاڭارتىپ، ءوزىنىڭ پوزيسياسىن جوعالتا باستادى.

قىس باستالىسىمەن اقش ۆاليۋتاسى تەڭگەگە قاتىستى  9% -عا  ارزانداعان.  $1 ءۇشىن  341 دەن  314 تەڭگەگە دەيىن ارزانداعان.  

ال رۋبلگە قاتىستى نىعايۋ بايقالمادى. Forbes.kz  جۋرنالى ساراپشىلار پىكىرىنەن شولۋ ۇسىندى.

 «اسىل-ينۆەست» اق-نىڭ ديرەكتورى  نۇرلان راحىمبايەۆ بۇل جايىندا: «ۇلتتىق بانك بىلتىرعى جىلدىڭ قىركۇيەگىنەن باستاپ ۆاليۋتا بيرجاسىنا، دوللار باعامىنىڭ وزگەرىستەرنە قاتىستارى جوق ەكەنىن ايتىپ وتىر.

وسى اقپاراتتى ەسكەرە وتىرىپ، تەڭگەنىڭ دوللارعا قاتىستى نىعايۋى  نارىقتىق فاكتورلارعا بايلانىستى بولۋى مۇمكىن»- دەيدى ساراپشى.

ول فاكتورلاردىڭ ىشىندە:  مۇناي باعاسىنىڭ ءوسۋى، ۆاليۋتا دەپوزيتتەرىنە تىگىستەردىڭ ازايۋى، نارىق قاتىسۋشىلارىنىڭ دوللاردان تەڭگەگە كوشۋ پروسەسىنىڭ جۇزەگە اسىرىلۋى جانە ت.ب. بار.

«مۇناي نارىعىنىڭ قالپىنا كەلۋىنە قاراماستان تەڭگەنىڭ تومەندەپ كەتۋى قاۋىپتىلىگى وسى جىل بويى ساقتالادى.  بۇل بولجام  دوللاردىڭ الەمدىك نارىقتا نىعايۋى مەن اقش-تاعى مۇناي قورىنىڭ وسۋىمەن تىكەلەي بايلانىستى. 2017 جىلدىڭ باستالۋىمەن مۇناي باعاسى قالىپتى جاعدايعا ءتۇستى» -دەپ ءوزىنىڭ ويىن ءبىلدىردى.

ۇلتتىق ۆاليۋتانىڭ دوللار مەن رۋبلگە قاتىستى ەكى ءتۇرلى جاعدايدا بولۋىن «سەسنا كاپيتال» اق-نىڭ اناليتيگى دارحان لۇكپانوۆ بىلاي دەپ ءتۇسىندىردى:

-رەسەي مەن قازاقستان ەكونوميكاسىنىڭ قۇرىلىمى ۇقساس جانە ۆاليۋتا باعامدارى دا بىردەي فاكتوردىڭ  ىقپالىمەن وزگەرىسكە تۇسەدى. ماسەلەن بىلتىرعى جىلى رۋبل دوللار باعامىنا جىلدامىراق  يكەمدەلىپ، نىعايدى. ونىڭ سەبەبى، رەسەي نارىعىنىڭ كاپيتالانىڭ شەتەلدىك ينۆەستورلارعا قولجەتىمدىلىگىمەن ءتۇسىندىرىلدى.

الايدا، وسى ورايدا ۇلتتىق بانك تەڭگە باعامىن رۋبلگە قاتىستى نىعايتۋعا بايلانىستى شارا قولدانۋعا اسىقپايتىنىن اتاپ ءوتۋ قاجەت.

-تەڭگەنىڭ دوللارعا قاتىستى نىعايۋ پروسەسى قىسقامەرزىمدى. ءبىزدىڭ بولجام بويىنشا،  تەڭگەنىڭ نىعايۋى جاقىن ارادا توقتاپ، جاڭا دەڭگەيدەگى قالىپتىلىق ساقتالادى.

ء-بىزدى قىزىقتىراتىن ماسەلە رەسەي نىعايىپ كەلە جاتقان رۋبلگە قاتىستى نە ويلايدى؟  رۋبل نىعايعان سايىن، رەسەي فەدەراسياسى ۆاليۋتاسىنىڭ نىعايۋىنا قاتىستى بەيتاراپتىق قاتىناسىن بايقاۋعا بولادى. رەسەي قارجىلىق مينيستىرلىگى شەتەل ۆاليۋتاسىن ساتىپ الۋ ارەكەتتەرىن جۇرگىزىپ، مەملەكەت مەكەمەلەرى ءرۋبلدىڭ نىعايۋىن كۇتپەۋ قاجەت دەگەن پىكىر بىلدىرۋدە-دەيدى.

 «كازكوممەرس سەكيۋريتيز» اق دەپارتامەنتىنىڭ اكتيۆتەردى  باسقارۋ  ديرەكتورى ايۆار بايكەنوۆ تەڭگە مەن رۋبل قۇبىلمالىق جاعىنان وزگەشەلەنەتىنىن اتاپ ءوتتى.

- سوڭعى ۋاقىتتارى ءرۋبلدىڭ نىعايۋى بايقالىپ، تەڭگە كەرىسىنشە السىزدەنگەن.ونىڭ سەبەبى شەتەل كاپيتالىنىڭ الىپ-ساتارلىق ءتۇسىمى جوق ەكەندىگىمەن تۇسىندىرىلەدى.

تەڭگەنىڭ نىعايۋىن  اناليتيك سالىق تولەمدەرىنىڭ ناتيجەسى- دەيدى.

-  اقش-تىڭ نارىقتىق ستاتيستيكاسىنىڭ ناشارلاۋى مۇناي باعاسىنىڭ تومەندەۋىنە الىپ كەلۋى مۇمكىن.  رۋبل دە ءوز كەزەگىندە قىسقامەرزىمدى قۇنسىزدانۋدى  $1 ءۇشىن 60-63 رۋبل باستان كەشىرۋى مۇمكىن. ىشكى نارىقتاعى تىگىستەردىڭ ازايۋى مەن تەڭگەنىڭ نىعايۋ فاكتى دوللوريزاسياعا  اكەپ سوعۋى مۇمكىن. (دوللوريزاسيا- دولللار ۆاليۋتاسىنىڭ مەملەكەت ىشىندە ءجيى قولدانىسقا يەنۋى، ءتىپتى ۇلتتىق ۆاليۋتانى شەتتەتۋگە دەيىن). تەڭگەنىڭ 1$ ءۇشىن 330 تەڭگەگە دەيىن ءتۇسۋى بايقالۋى مۇمكىن، الايدا بۇل جاعداي  قىسقامەرزىمدە ورىن الادى دەپ بولجالۋدا -دەيدى ايۆار بايكەنوۆ.

اۋدارعان: نازەركە مۇسا