ۇسىنىلعان زاڭ جوباسىنا سايكەس، بالا تۋعاننان جارتى جىل ىشىندە ءبىر اپتالىق دەمالىس الۋعا بولادى.
چەحيا پارلامەنتىنىڭ دەپۋتاتتارى ءسابيدىڭ ومىرگە كەلۋىنە بايلانىستى اكەلەرگە ءبىر اپتالىق دەمالىس بەرۋ تۋرالى زاڭناماعا تۇزەتۋلەر ەنگىزدى، جالاقىسىنىڭ 70%-ى ساقتالادى، دەپ حابارلادى ريا نوۆوستي.
"بالا دۇنيەگە كەلگەننەن سوڭ جارتى جىل ىشىندە جاس اكەلەر ءبىر اپتالىق دەمالىس الا الادى جانە جالاقىلارىنىڭ 70%-ى ساقتالاتىن بولادى. زاڭعا ەنگىزىلگەن تۇزەتۋدىڭ ماقساتى – اكەلەردى بالا كۇتىمىنە ات سالىسۋعا ىنتالاندىرۋ"، — دەلىنگەن حابارلامادا.
زاڭ جوباسى جوعارى پالاتادا تالقىلانىپ، سودان كەيىن پرەزيدەنتتىڭ قول قويۋىنا جىبەرىلەدى.
