36 جاسار ودەسسالىق وكسانا كوبەلەسكايا ەكىنشى بالاسىنا اياعى اۋىر ەكەنىن بىلگەندە قۋانىشى كوككە جەتەدى. كۇيەۋى سەرگەي ەكەۋى 3 جاسار قىز تاربيەلەپ وتىرعان اتا-انا ەدى. تاعى بالالى بولۋدى تاعاتسىزدانا كۇتىپ ءجۇردى.

ءبىراق، ولاردى ءبىر عاجايىپ كۇتىپ تۇردى. الەمدە بولماعان سەنساسيا ورىن الدى.

وكسانا مەن سەرگەي ەش ۋاقىتتا ۇلكەن وتباسى بولۋدى ويلاماعان. ەكى بالامىز بولسا دا جەتەدى دەپ جۇرگەن وتباسىن تاڭعاجايىپ جاڭالىق كۇتتى.

ونىڭ ۇستىنە ەرلى-زايىپتىلاردىڭ وتباسىلارىندا ەگىزدەر بولىپ كورمەگەن. سول ءۇشىن دە وكسانا ءوز ومىرىندە دە ونداي بولمايتىنىنا سەنىمدى بولدى.

الايدا، ايەل كەزەكتى تەكسەرىستەن ءوتۋ ءۇشىن پەرزەنتحاناعا بارعاندا، دارىگەرلەر وعان ەستەن تاندىرارلىق جاڭالىق ايتتى.

«ءبارى ويداعىداي ءوتىپ كەلە جاتتى. ءبىراق، دارىگەر ەكرانعا قاراي بەرگەندە، ءتۇرى بوزارىپ سالا بەردى. مەنىڭ دە ۇرەيىم ۇشتى. جاتىرىمداعى بالا سانىن داۋىستاپ ساناپ جاتىپ، بۇنداي اناعا تەڭىز جاعاسىنان ءۇي سىيعا تارتۋ كەرەك»، - دەپ باسىن شايقادى.

ايتەۋىر، دارىگەر تەكسەرۋ ناتيجەسىمەن ءبولىستى: جاتىرىمدا بەس بالا بار ەكەن. بەس ءسابيدىڭ دۇنيەگە كەلۋى – وتە سيرەك كەزدەسەتىن جاعداي. دارىگەرلەر تاڭداي قاقتىردى، وكسانانىڭ ءوزى ەسىن ءبىراز جيا الماي ءجۇردى.

«مەن بولىپ جاتقان جاعدايدى تولىق تۇسىنە الماي ءجۇردىم. ءتۇس كورىپ، ءبىر ۋاقىتتا وياناتىن سەكىلدى بولدىم»، - دەپ ويىمەن ءبولىستى وكسانا. ەرلى-زايىپتى بۇل جاڭالىققا ۇزاق ۋاقىت كوندىگە الماي ءجۇردى. ولاردىڭ ومىردەگى جوسپارلارى باسقا ەدى. ەندى ءبارىن وزگەرتۋگە تۋرا كەلەدى. ءبىراق، اللانىڭ بەرگەن ەرەكشە سىيىنان باس تارتۋ دا مۇمكىن ەمەس ەدى. تولعاق 30-اپتادا باستالدى. وكسانا پەرزەنتحاناعا كەلگەندە، ونى سەگىز دارىگەر مەن بىرنەشە مەدبيكەلەر كۇتىپ الدى. ءتىپتى، مەدبيكەلەر وكساناعا قىمبات، ءارى نازىك بۇيىم رەتىندە قاراعان.

دۇنيەگە 3 ۇل، 2 قىز كەلدى، ءبارىنىڭ دە دەنى ساۋ.

داريا، الەكساندرا، دەنيس، ۆلاديسلاۆ، داۆيد ەسىمدى 5 ءبۇلدىرشىن ناعىز جۇلدىزدارعا اينالىپ شىعا كەلدى. ولاردىڭ دۇنيەگە كەلۋى – الەم تاريحىندا قايتالانا بەرمەيتىن ءجايت، دەپ حابارلايدى «قامشى» پورتالى.

كوپ بالالى وتباسى بيلىك نازارىنا دا ىلىگىپ ۇلگەرگەن. بۇگىنگى كۇنى ولار بيلىك وكىلدەرى سىيعا تارتاقن جاڭا پاتەردە تۇرادى.

بەس ءبۇلدىرشىندى جۇلدىز ەتۋ ءۇشىن جارناماعا تۇسىرۋگە ءوتىنىش ايتىپ كەلەتىندەر دە كوپ ەكەن.

ۇلكەن باقىت بۇيىرعان جاس وتباسى بالالارىنىڭ ءبارىن بىردەي اياقتارىنان تىك تۇرعىزۋ قولدارىنان كەلەتىنىنە سەنىمدى.