اپتالداي ازامات قۇلقىننىڭ قامى ءۇشىن تۋعان شەشەسىنە قول كوتەردى. جانتۇرشىگەرلىك وقيعا اقتوبە وبلىسىنىڭ حرومتاۋ اۋدانىندا بولعان. 75 جاستاعى اجىبەك مولبايەۆا كەنجە ۇلىنىڭ قولىندا تۇرعان كەزىن ازاپتى كۇندەر سانايدى، دەپ حابارلايدى ەۆرازيا ارناسى.
سونداي-اق ول ۇلى مەن كەلىنى ۇرىپ-سوعىپ، اشقۇرساق كۇيىندە ۇيدە قاماپ ۇستاعانىن ايتادى. سوزىنە قاراعاندا، زەينەتقاسىن تارتىپ الىپ، شەشەسىنىڭ اتىنداعى ءۇيدى دە الداپ-cۋلاپ، ءوز اتتارىنا رەسىمدەپ العان.
اق جاۋلىقتى انانىڭ قازىرگى جاي كۇيى قالاي؟ اقبايان سۇلتانمۇراتوۆا جالعاستىرادى.
اپتالداي ازامات قۇلقىننىڭ قامى ءۇشىن تۋعان شەشەسىنە قول كوتەردى. جانتۇرشىگەرلىك وقيعا اقتوبە وبلىسىنىڭ حرومتاۋ اۋدانىندا بولعان. 75 جاستاعى اجىبەك مولبايەۆا كەنجە ۇلىنىڭ قولىندا تۇرعان كەزىن ازاپتى كۇندەر سانايدى. ۇلى مەن كەلىنى ۇرىپ-سوعىپ، اشقۇرساق كۇيىندە ۇيدە قاماپ ۇستاعانىن ايتادى. سوزىنە قاراعاندا، زەينەتقاسىن تارتىپ الىپ، شەشەسىنىڭ اتىنداعى ءۇيدى دە الداپ-cۋلاپ، ءوز اتتارىنا رەسىمدەپ العان. اق جاۋلىقتى انانىڭ قازىرگى جاي كۇيى قالاي؟ اقبايان سۇلتانمۇراتوۆا جالعاستىرادى.
ون بالانى باعىپ-قاعىپ، تاربيەلەپ وسىرگەن اجىبەك مولبايەۆا كورەسىنى كەنجەسىنەن كورەمىن دەپ ويلاماعانىن ايتادى. قيت ەتسە، قاريانى ۇرۋدى ادەتكە اينالدىرعان. كەيۋانانىڭ ايتۋىنشا، بۇل داۋ باسپانادان باستالعان. 36 جاستاعى كەنجە ۇل مەن كەلىنى اناسىنىڭ اتىنداعى پاتەردى ءوز اتتارىنا رەسىمدەۋدى سۇرايدى. ءبىراق، اجىبەك انا وعان كەلىسپەيدى. بۇل ويلارىنان تۇك شىقپاعاسىن، قۋلىققا كوشكەن. زەينەتاقىسىنىڭ وسەيىن دەپ جاتقانىن سىلتاۋراتىپ، قۇجاتتارعا قول قويدىرتىپ الادى.
«ءۇيدى اۋداراسىڭ ، انانى نەتەسىڭ مەن نەتەم دەسەم ۇرادى، اۋداراسىڭ قالايدا مىنادان ۇردى، بەلىم ءتۇيىلىپ قالدى، جانىم شىعىپ كەتە جازدادى، كوزىم كورمەي قالدى، سوۆسەم» — كوپبالالى انا اجىبەك مولبايەۆا.
ءقازىر كەنجە قىزىنىڭ ءۇيىن پانالاپ وتىرعان اجىبەك اپانىڭ بويىندا ءالى قورقىنىش پەن ۇرەي باسىم. ولار قالادان ىزدەپ كەلىپ، باياعى ارەكەتتەرىنە قايتا باسا ما دەپ قورقادى. وتباسىلىق كيكىلجىڭ تۋرالى ايتۋعا قىزدارى دا قۇلىقسىز. تۋعان باۋىرلارىنىڭ ارەكەتى تۋرالى پىكىرى مىناعان سايادى:
«ول مەنىڭ باۋىرىم بولعاسىن كەشىرەم. مامام ءبىراق، مەن جۇمىسقا شىققان سايىن، كەلگەن سايىن، جىلاپ وتىرادى، انالار نە بولىپ جاتىر دەپ» — كەنجە قىزى اجىبەك مولبايەۆانىڭ.
قاريا تايراڭداپ كەتكەن كەنجە ۇلىن تارتىپكە سالسا ەكەن دەپ امالسىز وبلىس باسشىسىنا شاعىمداندى. بۇل ءوتىنىشىن اكىمنىڭ ەسەبىنە قاتىسىپ، جايىپ سالدى.
«ءتيىستى شارا قولدانۋ كەرەك. بالاسى انانى ۇرىپ-سوعىپ، تارتىپ الدى دەگەن ماسقارا عوي!» — وبلىس اكىمى بەردىبەك ساپاربايەۆ.
ءقازىر پوليسەيلەر اجىبەك مولبايەۆانىڭ شاعىمى بويىنشا جۇمىس جاساپ جاتىر. ارىزىندا زەينەتكەر اي سايىن 50 مىڭ زەينەتاقىسىن رۇقساتسىز پايدالانىپ كەلگەن، پاتەرىن ءوز اتتارىنا اۋدارىپ العان، وسىنداي ءمۇساپىر كۇيگە جەتكىزگەن ۇل مەن كەلىنگە ءتيىستى جازاسىن بەرۋدى سۇراپتى.
پىكىر قالدىرۋ