1 ناۋرىز – العىس ايتۋ كۇنى. 2016 جىلعى 14 قاڭتاردا قازاقستان رەسپۋبليكاسىنىڭ پرەزيدەنتى ن.ءا.نازاربايەۆ قازاقستان حالقى اسسامبلەياسىنىڭ قۇرىلعان كۇنى 1 ناۋرىزدى ەلىمىزدە العىس ايتۋ كۇنى دەپ جاريالاپ، № 173 جارلىققا قول قويعان بولاتىن.

العىس ايتۋ كۇنى – كۇردەلى زاماندا يىق تىرەسە بىرگە ەڭسەرىپ، قىسقا مەرزىم ىشىندە ەلباسىنىڭ باسشىلىعىمەن تاۋەلسىز قازاقستاندى قۇرۋ جولىندا ايانباي تەر توككەن ەلىمىزدىڭ بارلىق ازاماتتتارىنىڭ بىر-بىرىنە قۇرمەت بىلدىرەتىن كۇن.

پرەزيدەنت العىس ايتۋ كۇنى تۋرالى: «قازاقستان حالقى اسسامبلەياسى قۇرىلعان كۇن – 1 ناۋرىزدى جىل سايىن بارلىق ەتنوستاردىڭ ءبىر بىرىنە جانە مەيىرباندىق تانىتىپ، ول ادامداردى ءوز تۋعانىنداي قابىلداعان قازاقتارعا العىس ايتۋ كۇنى رەتىندە اتاپ ءوتۋ ادىلەتتى بولار ەدى. ول كۇن ءبىزدى بۇرىنعىدان دا گورى جاقىنداستىرا تۇسپەك. بۇل كۇن مەيىرىمدىلىكتىڭ، بۇكىل قازاقستاندىقتاردىڭ ءبىر بىرىنە دەگەن دوستىعى مەن ماحابباتىنىڭ جارقىن مەرەكەسى بولا الار ەدى»، – دەگەن بولاتىن.

اتاۋلى كۇن العاش رەت 1621 جىلى اعىلشىندىق كولونيستەردىڭ باستاماسىمەن تويلانعان. قىس مەزگىلى وتە اۋىر بولىپ، ادامدار اشتىققا ۇشىراعاندىقتان گۋبەرناتور ۋيليام برەدفورد قول استىنداعىلاردىڭ كوڭىل-كۇيىن كوتەرۋ ءۇشىن العىس ايتۋ كۇنىن بەلگىلەيدى. اينالاداعى باسقا دا كورشىلەر بۇل ءداستۇردى جىلى قابىلداپ، قاھارلى قىستى امان-ەسەن وتكەرەدى. راقمەت ايتۋ كۇنىنىڭ باستى نىشاندارىنىڭ ءبىرى – تۇيە تاۋىق. سەبەبى، اعىلشىندىق كولونيستەر مەرەكەنى العاش تويلاعاندا ورماندا اتىلعان ءتورت تۇيە تاۋىقتى جەگەن ەكەن.

كەيىننەن، ياعني، 1789 جىلى دجوردج ۆاشينگتون راقمەت ايتۋ كۇنىن "ۇلتتىق مەرەكە" دەپ جاريالايدى. بۇل كۇنى بارلىق وتباسى مىندەتتى تۇردە داستارقان باسىنا جينالىپ، تۋىستارىنا جاقسىلىق جاساۋعا اسىعادى، جاقىندارىن قۋانتۋ ءۇشىن ءتۇرلى توسىن سىيلار ويلاپ تابادى. قالاداعى مەترولاردا ەرەكشە ۇستەلدەر ورناتىلىپ، ادامدار اقشا، ازىق-تۇلىكتەرىن قايىرىمدىلىققا اكەلىپ قويادى. حVءىى عاسىردان كەلە جاتقان ءار ءتۇرلى كيىمدەردى كيگەن تۇرعىندار شەرۋگە شىعىپ، دۋماندى كەشتەر ۇيىمداستىرادى.

العىس ايتۋ كۇنى وزگە ەلدەردە

ارينە، مەرەكە ءبىزدىڭ مەنتاليتەتكە ساي ەمەس دەۋشىلەر تابىلار. دەگەنمەن، جىلدىڭ ءبىر كۇنىندە نە ءۇشىن راقمەت ايتۋ كەرەك ەكەنىمىزدى ويلانا جۇرسەك ارتىق ەتپەيتىن سەكىلدى. كوپتەگەن ادامدار ماتەريالدىق جاعىنان تولىق قامتاماسىز ەتىلگەن بولسا دا، العىس ايتا بىلمەگەنى ءۇشىن رۋحاني كەدەي بولىپ قالىپ جاتادى.