فرانسيا پرەزيدەنتى فرانسۋا وللاند سويلەپ تۇرعان كەزدە فرانسۋز پوليسەيلەرى ابايسىزدا وق اتىپ، ەكى ادام جارالاندى، دەپ حابارلايدى BBC جاڭالىقتار قىزمەتى.
وقىس وقيعا فرانسيانىڭ باتىسىنداعى ۆيلونون قالاسىندا وللاند جاڭا جىلدام پويىزداردىڭ شىعارىلۋىنا بايلانىستى ءىس-شارادا ورىن العان.
وق اتىلعان ساتتە، ءسوزىن بىردەن توقتاتىپ: “ءقاۋىپتى نارسە ەمەس شىعار دەپ ۇمىتتەنەمىن”، - دەدى پرەزيدەنت.
جەرگىلىكتى باق-تىڭ حابارلاۋىنشا پوليسەي قارۋدى ساقتاندىرعىش رەجيمىنە قويۋدى ۇمىتىپ كەتكەن. اياقتارىنان جاراقات العان ەكى ادامنىڭ ومىرلەرىنە ءقاۋىپ ءتونىپ تۇرعان جوق. ولار اۋرۋحاناعا جەتكىزىلگەن. پوليسيا وقيعاعا بايلانىستى قىزمەتتىك تەكسەرۋدى باستاپ كەتتى.
پىكىر قالدىرۋ