كۇنى كەشە احات-قا بارىپ، زاڭدى تۇردە وتباسىن قۇرىپ، كوپتەن كۇتكەن "نەكە قيۋ تۋرالى كۋالىك" قولعا ءتيدى-اۋ. قۋانىشتىمىز. ءبىراق، ايتار نالامىز كوپ، وكىنىشكە وراي. جالپى، مەن ەل ۇكىمەتى جاستاردىڭ نەكەگە تۇرۋىن قۇپتامايدى ما دەپ ويلاپ قالدىم. سەبەبى قويعان تالاپتارى كوپ. حالىق بانك كارتوچكاڭ بولماسا، بولىپ، وندا 2000 تگ. بولماسا، ۇنەمى قاتىپ قالا بەرەتىن، حالىققا قىزمەت كورسەتۋ ورتالىعى قىزمەتكەرلەرىنىڭ ءوزى ءتىلىن تۇسىنە بەرەيتىن e.gov. سايتىنا تىركەلمەسەڭ، ودان راستايتىن حات كەلمەسە، بىزدە، ءبىتتى، قىز كۇيەۋسىز، جىگىت جارسىز قالادى ەكەن. الايدا بۇل قىزىقتىڭ كوكەسى ەمەس. بەلگىلەنگەن كۇنى بەلگىلەنگەن ۋاقىتتا بوستاندىق اۋدانىنىڭ احات-ىنا بارساق، ءبىز مەملەكەتتىك تىلدە سويلەپ، ءجون سۇراعانىمىز ءۇشىن ديسكريميناسياعا ۇشىرادىق. بىزدەن كەيىن كىرگەن وزگە ۇلت وكىلدەرىنە ەلجىرەپ جاۋاپ بەرىپ وتىرعان قىزمەتكەرلەر بىزگە، قازاق تىلدىلەرگە، كەلگەندە، قاتتى دا قالدى. جارايدى دەدىك رەنىش بىلدىرمەي. سويتسە وندا كادىمگى كەزەك ەكەن (اركىمنىڭ كەلگەن ۋاقىتىنا قاراي). كەزەكتەن تىس (ءبىز كىرۋىمىز كەرەك ەدى) كىرگەن سول وزگە ۇلت وكىلدەرىنىڭ ۇستىنەن ولارعا شاعىمدانىپ جاتساق، ءتارتىپتى (كەزەكتىڭ) بۇزعانداردى جاقتاپ شىعا كەلگەندەرى جىنداندىردى. "نەگە بۇيتەسىڭدەر؟ بۇل ديسكريميناسيا عوي مەنسىنبەيتىندەرىڭ" دەسەم، ءوزىمدى جاعادان الدى. دجينسي شالبار كيىپ العان، ءاتى-جونى، لاۋازىمى كورسەتىلىپ تۇراتىن بەيدجيگى جوق ءبىر قىز ءتىپتى شەكتەن اسىپ، اقىل ۇيرەتپەكشى بولدى. ءبىر تۇسىنگەنىم-قازاق تەك قازاقتى رەنجىتە الادى، قازاق تەك قازاققا ۇرىس شىعارادى، قازاق ورىسقا كەلگەندە زىر جۇگىرەدى، ءتىلىن الادى، الدىندا قۇرداي جورعالايدى. شىن ايتسام، كوڭىل-كۇيىم تۇسكەنى سونشالىق العان كۋالىككە دۇرىستاپ قۋانا المادىم. ونىڭ ورنىنا ويعا باتتىم دا كەتتىم.

قىپشاقتىڭ قىزى