ليايسيرا الاگوزوۆا تۇرسىنعالي الاگوزوۆپەن اجىراسۋ تۋرالى ارىزدىن قايتارىپ الدى، - دەپ حابارلايدى Tengrinews.kz. بۇل تۋرالى الماتى قالالىق بوستاندىق اۋداندىق سوتىنىڭ وكىلدەرى حابارلادى.
سوتتاعىلاردىڭ ايتۋىنشا، ءبىرىنشى بولىپ اجىراسۋ تۋرالى ارىزدى 1 اقپاندا تۇرسىنعالي الاگوزوۆتىڭ ايەلى ليايسيرا الاگوزوۆا بەرگەن. "7 اقپاندا ازاماتتىق ءىستىڭ ماتەريالدارىن سوتقا دايىنداۋ تۋرالى شەشىم قابىلدانعان. وسىدان كەيىن تاراپتار 14 اقپاندا سوتقا شاقىرتىلعان. كەيىن 17 اقپاندا سوتتىڭ كەڭسەسى ارقىلى شاعىمدانۋشىدان، ياعني الاگوزوۆادان شاعىم-تالاپتى قاراۋسىز قالدىرۋ بويىنشا ءوتىنىش كەلىپ ءتۇستى. 23 اقپاندا سۋديا ءىستى قاراۋسىز قالدىرۋ تۋرالى شەشىم شىعاردى. وسىلايشا ءونىدىرىس توقتاتىلدى"، - دەپ حابارلادى سوتتاعىلار.
ال 14 اقپاندا تۇرسىنعالي الاگوزوۆتەن سوتقا اجىراسۋ تۋرالى ارىز تالاپ تۇسكەن. "سول كۇنى ازاماتتىق ءىستىڭ ماتەريالدارىن سوتقا دايىنداۋ تۋرالى شەشىم قابىلدانعان. تاراپتار 1 ناۋرىزعا سوتقا شاقىرتىلعان. وسىدان كەيىن الاگوزوۆتەن تاراپتاردىڭ تاتۋلاسۋىنا بايلانىستى شارا قابىلداۋ تۋرالى ءوتىنىش تۇسكەن. بۇگىن تاراپتارمەن اڭگىمە جۇمىستارى جۇرگىزىلدى. ال 9 ناۋرىزدا تاراپتاردىڭ تاتۋلاسۋى ماسەلەسى قاراستىرىلادى"، - دەپ حابارلادى سوتتاعىلار.
ەسكە سالايىق، وسىعان دەيىن بايان ەسەنتايەۆا مەن تۇرسىنعالي الاگوزوۆ بىرىگىپ بەرگەن العاشقى سۇحباتىندا تانىستىققا ءتىس دارىگەرىنىڭ قانداي قاتىسى بار ەكەنىن، 10 ماۋسىمداعى اتىشۋلى وقيعانى قالاي باستان وتكەرگەنىن جانە العا قانداي جوسپار قويىپ وتىرعانىن ايتىپ بەرگەن ەدى. وسى سۇحباتىندا الاگوزوۆ اجىراسۋ ۇستىندە ەكەنىن مالىمدەگەن بولاتىن.
پىكىر قالدىرۋ