كوسمەتيكا، تازالاۋعا ارنالعان جانە گيگيەنالىق ونىمدەر، پارفيۋمەريا -  ادامنىڭ كۇندەلىكتى ومىرىندە پايدالاناتىن زاتتار.  ونى قولدانا وتىرىپ ونىڭ قايدان الىنىپ، قالاي جاسالعانىنا كوپ ادام ءمان بەرمەيدى. ولاردى  جاساۋ ءۇشىن  كوپ جاعدايدا مىڭداعان جانۋارلار  قۇربان بولادى. شامپۋن، كوسمەتيكا جانە ت.ب زاتتاردا تاجىريبەدەن وتكىزۋ ءۇشىن جان-جانۋارلاردى پايدالانادى.  

كوپ جاعدايدا تاجىريبە قوياندارعا جۇرگىزىلەدى ەكەن. سەبەبى ولاردىڭ باعاسى ارزان. 1944 جىلى درايزدى تەكسەرۋدەن وتكىزۋ ءۇشىن ونى البينوس قويانداردىڭ كوز الماسىنا تامىزىپ قويان اعزاسىنىڭ وعان رەاكسياسىن كۇتەدى ەكەن. اۋرۋدى باساتىن دارىلەردى ەكپەيتىنى انىق. 24 ساعاتقا سوزىلاتىن تاجىريبەدە قوياننىڭ باسىن مىقتاپ بەكىتىپ قويادى. ول قىشىعان جەرىن تىرناي الماۋى ءۇشىن قاجەت. تاجىريبە اياقتالعاننان كەيىن قوياندى ءولتىرىپ تاستايدى.

يتتەر مەن مىسىقتارعا دا كوپتەگەن تاجىريبە وتكىزەدى. ولاردى كوبىنە شامپۋن مەن تازالىققا ارنالعان زاتتاردى تەكسەرگەندە پايدالانادى. جىل  سايىن الەمدە وسىنداي تاجىريبەلەردەن ميلليونداعان جانۋار ولەدى.

تاجىريبە ءۇشىن جانۋارلاردى پايدالانباعان ونىمدەر كوبىنە وسىمدىكتەردەن جاسايدى نەمەسە باسقا ادىسپەن تەكسەرەدى. ولاردى «اق تىزىمگە» كىرگىزەدى. ولاردى ونىمدەگى بەلگىدەن كورۋگە بولادى. وندا كوبىنە جانۋارمەن تاجىريبە جۇرگىزىلمەدى دەپ جازىلىپ تۇرادى نەمەسە جانۋاردىڭ سۋرەتى قىزىل بەلگىنىڭ ىشىندە بولادى.