دولنالد گۋلدانىڭ ءومىرى قيىنشىلىققا تولى. 1998 جىلى ونىڭ ايەلى قايتىس بولدى. قايعىلى جاعدايدان كەيىن ەر ادام ىشكىلىككە سالىنادى. سالدارىنان ونىڭ بالاسىن الىپ كەتەدى. ودان كەيىن جۇمىسىنان شىعىپ قالادى.

كوشە كەزىپ، كۇنىن قايىر سۇراۋمەن كورىپ جۇرگەن  دونالد بۇكىل الەمگە تانىلدى. فلوريداداعى مۋزىكالىق اسپاپتار ساتاتىن دۇكەن قالانىڭ 7 ايماعىندا رويالدى ورنالاستىرادى. ونداعى كوزدەگەن ماقساتتارى جاندى مۋزىكانى دارىپتەۋ. دونالد سولاردىڭ بىرىندە ويناي باستايدى. ونى جۇرگىنشىلەر ۇيالى تەلەفونىنا ءتۇسىرىپ، جەلىگە جاريالاپ جىبەرەدى. از ۋاقىتتىڭ ىشىندە الەمنىڭ تۇكپىر-تۇكپىرىنەن ميلليونداعان ادام كورىپ، نەبارى 1 اپتانىڭ ىشىندە دونالد الەمگە تانىلادى.

ۆيدەونى كورگەن حالىق دونالدقا جانە ومىردە وزدەرىن جوعالتىپ العاندارعا كومەكتەسەتىن قوزعالىستار قۇردى. دونالد باقىتتان كوزىنە جاس الىپ، جاڭا ءومىر باستايتىنىن ايتادى. ىشىمدىككە قۇمارلىقتان ارىلىپ، بالاسىن تاپقىسى كەلەتىنىن ايتقان.