بۇگىن استاناداعى «سارىارقا» ۆەلوترەگىندە ۇلىستىڭ كۇنى ناۋرىز مەيرامىنا وراي، قازاقستان ەسترادا جۇلدىزدارىنىڭ قاتىسۋىمەن مەرەكەلىك كونسەرت وتۋدە. سالتاناتتى شاراعا ەلباسى نۇرسۇلتان نازاربايەۆ قاتىسىپ، قازاقستان xالقىن از-ناۋرىزبەن قۇتتىقتادى دەپ حابارلادى اقوردانىڭ باسپا ءسوز قىزمەتى.
«بارشاڭىزدى ۇلىستىڭ ۇلى كۇنى – ءاز ناۋرىز مەرەكەسىمەن شىن جۇرەگىممەن قۇتتىقتايمىن! بۇگىن قازاقستاننىڭ ءار وڭىرىندە وسى مەرەكەنى تويلاپ جاتقان xالقىمىز بار. بۇل – بابالارىمىزدىڭ باعزى زاماننان بەرى تويلاپ، بىزگە قالدىرعان اماناتى، بەرەكە-بىرلىكتىڭ، ىزگىلىكتىڭ جولى بولسىن دەگەن تىلەۋى، جاقسىلىق پەن كەلىسىمنىڭ جاڭا كۇننىڭ سيمۆولى. وسى كەزدەن باستاپ، كۇن ۇزارىپ، ءتۇن قىسقارىپ، جارىق ساۋلەسى جەرگە ءتۇسىپ، كوكتەمنىڭ باسى بولىپ سانالادى. ناۋرىزدا xالقىمىز جينالىپ، بۇلاقتاردىڭ كوزىن اشىپ، جاسىل-جەلەك وتىرعىزىپ، بولاشاققا كوز تىگەتىن بولعان. ناۋرىز كوجە جاساپ، اعايىن-تۋىس، كورشى بىر-بىرىمەن قاتىناسىپ، ءدام تاتىپ، بولعاندى ەستەرىنە ءتۇسىرىپ، رەنجىگەندەر بىر-بىرىنەن كەشىرىم سۇراپ، كورىسىپ، قاۋىشىپ، بىر-بىرىنە سۇيىسپەنشىلىگىن كورسەتەتىن بولعان. رۋxاني تىلەۋدىڭ اقجارما مەيرامى بولىپ سانالاتىن. بۇل عاجايىپ شاقتا اسپاننان التىن كۇننەن نۇر توگىلىپ، جەرگە التىن ءدان سەبىلەتىنىن بىلەسىزدەر. ەل-جۇرتتىڭ كوڭىلىندە جاڭا ءۇمىت پايدا بولىپ، ەرتەڭگى كۇنگە سەنىم نىعايادى. سول سەبەپتەن xالقىمىز ناۋرىزدى «ۇلىستىڭ ۇلى كۇنى» دەپ اتاعان»، - دەدى ن.نازاربايەۆ.
ەلباسى سونداي-اق ناۋرىز قازاقتىڭ جاڭا جىلى بولىپ ەسەپتەلۋى كەرەك ەكەنىن شەگەلەپ تۇرىپ ايتتى.
«شىنىن ايتقاندا، ناۋرىز قازاقتىڭ جاڭا جىلى بولىپ ەسەپتەلۋى كەرەك. مىڭجىلدىقتاردان بەرى وزگەرمەي كەلە جاتقان وسى زاڭدىلىق، بيىل سول داستۇرىنەن جاڭىلعان جوق. بۇل مەرەكە ۇلت پەن ءدىندى تالعامايدى. ورتاق مەيرام بارلىق xالىققا. بۇل ءبىزدىڭ مىزعىماس بىرلىگىمىز بەن ىرىستى ىنتىماعىمىزدى كورسەتەدى. جاراتىلىس اتاۋلى جاڭعىرىپ، وسى كەرەمەت كۇندە جاقسى تىلەكتە بولايىق، اعايىن!»، - دەيدى پرەزيدەنت.
