ءۇش جىل بويى قازاقستاندا قۇلدىقتا بولدىم دەگەن نوۆوسىبىرلىك فيزيك وتانىنا ورالدى، دەپ حابارلايدى  «قامشى» پورتالى inform.kz-كە سىلتەمە جاساپ.

. «يۋريي وبرازسوۆ الماتىدان نوۆوسىبىرگە ۇشىپ كەلدى. تولماچيەۆو اۋەجايىندا ەر ادامدى نوۆوسىبىرلىك پوليسيا قىزمەتكەرلەرى كۇتىپ الدى. ىزدەستىرۋ شارالارى جاقىندا رەسمي تۇردە اياقتالادى، الايدا ەكى ەلدىڭ پوليسياسى نوۆوسىبىرلىكتىڭ جوعالىپ كەتۋىنىڭ سەبەبىن انىقتاپ، سوڭعى ءۇش جىلدا بولعان جايتتىڭ ءمان-جايىن انىقتاۋى ءتيىس»، - دەلىنگەن رەسەي ءىىم وڭىرلىك باس باسقارماسىنىڭ حابارلاماسىندا.

2014 جىلى پوليسياعا 1962 جىلى تۋعان ەر ادامنىڭ جوعالىپ كەتكەنى تۋرالى حابار ءتۇستى. ىزدەۋ سالعان ونىڭ اعاسى بولاتىن. جوعالعان ەر ادامعا فەدەرالدى ىزدەۋ جاريالاندى. 2017 جىلى ناۋرىز ايىنىڭ باسىندا ءنوۆوسىبىر پوليسياسىنا وبرازسوۆتىڭ قازاقستان اۋماعىندا جۇرگەنى جايلى اقپارات كەلىپ ءتۇستى. تۋىستارى ونى فوتوسۋرەتتەن تانىدى. ايتا كەتەيىك، وتكەن اپتادا وتاندىق جانە رەسەيلىك بۇقارالىق اقپارات قۇرالدارى وبرازسوۆتى رەسەيلىك فيزيك عالىم دەپ اتاپ، ونىڭ ءۇش جىل بويى قازاقستاندا قۇلدىقتا ۇستالعاندىعىن جازعان بولاتىن. الايدا ق ر ءىىم بۇل اقپاراتتى راستاعان جوق.

«دارىگەر-ماماندارمەن سويلەسكەندە ول ءوزىنىڭ ءنوۆوسىبىر وبلىسىنداعى پسيحوديسپانسەردە ەسەپتە تۇرعانىن ايتقان. ماماندار سۇراعىنا جاۋاپ بەرگەندە الماتىعا كەلگەن سوڭ ودان ءارى تاشكەنتكە كەتۋ تۋرالى جوسپارىن دا جەتكىزگەن. ول ءبىر اۋىلدان ەكىنشى اۋىلعا بىردە جاياۋ، بىردە ءتۇرلى كولىككە ءمىنىپ جۇرە بەرگەن. ەشكىم ونى كۇشتەپ ۇستاماعان. ءۇش جىل بويى قايدا بولعانى، قايدا تۇرعانى تۋرالى سۇراققا جاۋاپ بەرە الماعان. سوت-مەديسينالىق ساراپتاما جۇرگىزىلدى، ونىڭ دەنەسىنەن ەشقانداي جاراقات انىقتالمادى. سوتقا دەيىنگى تەرگەۋ جالعاسۋدا»، - دەپ جازعان بولاتىن ق ر ءىىم مەملەكەتتىك ءتىل جانە اقپارات دەپارتامەنتىنىڭ ديرەكتورى الماس سادۋبايەۆ. ونىڭ ايتۋىشا، يۋريي وبرازسوۆ الماتىعا 2014 جىلى پويىزبەن كەلگەن