WBO چەمپيونى ۇلىبريتانيالىق بيللي دجو سوندەرس ءوز سۇحباتىندا گولوۆكين تۋرالى ءوزىنىڭ ويلارىمەن ءبولىستى. گولوۆكينگە ارنالعان ۆيدەو جازباسىندا ول  وتە تومەن دەڭگەيلى ناشار بالاعات سوزبەن وعان ءتىل تيگىزدى دەپ حابارلايدى  «قامشى» پورتالى. ايتارىن ايتىپ الىپ بوكسشى ايتقان سوزىنەن قىسىلىپ كۇلىپ جىبەردى.

«ماعان مەنىڭ بەلبەۋىمدى بەرىڭدەر. بەلبەۋىمدى بەرىڭدەر دەپ ايتا بەرەسىڭ، بەلبەۋىڭدى الۋعا مۇمكىندىك بەرەم. قازاقستاندا سەنىمەن بىرگە جەكپە جەككە شىققىم كەلەدى» دەدى بوكسشى.

سوندەرس 27-دە، گولوۆكين 34-تە.  سونەرس گولوۆين جاسى كەلىپ، قارتايىپ بارادى دەيدى. «ول ءوزىنىڭ قاراپايىم ادام ەكەنىن دالەلدەدى. ونىڭ ارمانىنداعى جەكپە -جەگى -  مەنىمەن جەكپە-جەك. مەن ونى تىنىش ۇيقىدان ايىرامىن. وسى جەكپە-جەكتىڭ بارلىق قۇجاتتارىنىڭ راسىمدەلۋىن كۇتىپ جاتىرمىن. مەن بۇل جەكپە-جەككە دايىنمىن. قازاقستاندا وتۋىنە قارسى ەمەسپىن. تۋرا 11 اپتادان كەيىن وتەتىن بولسا مەن دايىنمىن. الايدا ماعان 5-6 اپتادان سوڭ شىعاسىڭ دەسە، مەن كەلىسپەيمىن. مەن ءقازىر دايىندىق ۇستىندەمىن. كوپ ادامدار مەنىڭ وسى جەكپە-جەكتە نوكاۋت العانىمدى كورگىسى كەلەدى. ەندى مىنە، مەنىڭ مۇمكىندىكتەرىمدى كورەتىن ۋاقىت كەلدى. ەگەر كونتراكت وسى اپتانىڭ سوڭىنا دەيىن دايىن بولماسا مەن باسقا باعىتتا كەتەمىن. بيزنەستىڭ اتى بيزنەس. ءاۋ باستا جەكپە-جەككە كەلىسىمىمدى بەرگەن جوقپىن، سەبەبى بۇل اقىماقتىق سياقتى كورىندى. الايدا ءقازىر بۇل ۇسىنىس ماعان سونشالىقتى ءبۇرتۇرلى كورىنبەيدى. دەگەنمەن، مەن ۇزاق كۇتپەيمىن»- دەدى ول ءوز سوزىندە.

سۇحباتىنىڭ سوڭىندا ول گولوۆكينگە قاتىستى جالپى العاندا جامان جىگىت ەمەس دەگەن قورىتىندىعا كەلدى.

ال قازاقستاندىق گولوۆكين بولسا، قازىرگى ۋاقىتتا WBC، WBA (Super)، IBF جانە IBO تيتۋلدارىنا يە. ال الەمدىك چەمپيون اتانۋ ءۇشىن وعان تەك WBO تيتۋلى عانا كەرەك. ال ونى گولوۆكين تەك سوندەرسپەن جەكپە-جەكتەن كەيىن عانا الا الماق.