سولاردىڭ العاشقىسى - قازاقستان پرەزيدەنتىنىڭ بۇرىنعى ءىس باسقارۋشىسى بولات وتەمۇراتوۆ. بيىل جۋرنال ونىڭ بايلىعىن 2،3 ميلليارد دوللار دەپ باعالادى، ياعني وتكەن جىلعى ناتيجە ساقتالعان.

قازاقستاننىڭ ەڭ باي ازاماتتارىنىڭ رەيتينگىندە ەكىنشى ورىندا "قازاقمىس" كورپوراسياسىنىڭ بۇرىنعى باسشىسى ۆلاديمير كيم ورنالاسقان، ونىڭ بايلىعى 2،1 ميلليارد دوللارعا باعالاندى. كاسىپكەردىڭ قازىناسى 2015 جىلدىڭ قورىتىندىسىمەن سالىستىرعاندا 600 ميلليون دوللارعا ارتقان.

ەرلى-زايىپتى تيمۋر مەن دينارا قۇلىبايەۆتار (قازاقستان پرەزيدەنتى نۇرسۇلتان نازاربايەۆتىڭ قىزى مەن كۇيەۋ بالاسى) دا رەيتينگتە ەكىنشى ورىن الدى. ولاردىڭ ءارقايسىسىنىڭ بايلىعى - 2،1 ميلليارد دوللار. ءبىر جىلدا بۇل ەكەۋى بايلىعىن 100 ميلليون دوللارعا كوبەيتكەن.

قازاقستاندىق بايلاردىڭ بەستىگىن ERG كومپانياسىنىڭ ورتاق يەمدەنۋشىسى، "ەۋرازيالىق بانك" اق پرەزيدەنتى اليدجان يبراگيموۆ قورىتىندىلادى. كاسىپكەردىڭ بايلىعىن جۋرنال 1،9 ميلليارد دوللارعا باعالادى، ءبىر جىلدىڭ ىشىندە ول 300 ميلليون دوللارعا بايىعان.

الەمنىڭ ەڭ باي اتاعىن وسىمەن ءتورتىنشى جىل قاتارىنان بيلل گەيتس يەلەندى. Microsoft كورپوراسياسىنىڭ نەگىزىن قالاۋشىنىڭ بايلىعى ءبىر جىلدا 75 ميللياردتان 86 ميلليارد دوللارعا دەيىن وسكەن.