22 ناۋرىزدا لوندوندا ورىن العان تەرراكت ناتيجەسىندە زارداپ شەككەندەر ىشىندە  قازاقستاندىقتار جوق دەپ حابارلايدى «قامشى» پورتالى Today.kz-كە سىلتەمە بەرىپ. ق ر مادەنيەت جانە سپورت مينيسترلىگىنە تەرراكت ناتيجەسىندە زارداپ شەككەن قازاقستاندىقتار تۋرالى ەشقانداي اقپارات تۇسپەگەن.

لوندونداعى قازاقستاندىق ازاماتتارعا اباي بولىپ، سابىرلىق تانىتۋدى، كوپ ادامدار جۇرەتىن جەرلەردە جۇرمەۋگە كەڭەس بەرىلۋدە.

پارلامەنت سەناتىنىڭ ءتوراعاسى قاسىم جومارت توقايەۆ لوندونداعى تەرراكتقا بايلانىستى كوڭىل ايتتى. «لوندودا ورىن العان تەررورلىق ارەكەتتەردەن جاپا شەككەن ادامدارعا كوڭىل ايتقىم كەلەدى. ءبىز ءبارىمىز بىرىگىپ تەرروريزمگە قارسى كۇرەسۋىمىز كەرەك» -دەپ جازدى ول ءوزىنىڭ Twitter-دەگى پاراقشاسىنا.

ەسكە سالساق، 22 ناۋرىز كۇنى ۆەستيمينستەر كوپىرىندە بەلگىسىز كولىك جۇرگىزۋشىسى جاياۋ جۇرگىنشى جولىندا ءبىر توپ ادامادى قاعىپ، پارلامەنت عيماراتىنىڭ الدىنا كەلىپ سوعىلعان. وندا پوليسەي قىزمەتكەرىنە سوقتىعىسقان ول پوليسەيگە قارسى پىشاق جۇمساعان، ناتيجەسىندە تاعى ءبىر پوليسەي قىزمەتكەرىمەن اتىلعان. وقيعا تەرراكت رەتىندە باعالاندى. جالپى العاندا ون بەس ادامداي زارداپ شەككەن.