ءۇش بالىقشى قاراعاندى وبلىسى بالقاش كولىنە جارىلعان مۇزعا ءتۇسىپ كەتتى، الدىن الا دەرەك بويىنشا ولاردىڭ بىرەۋى باتىپ كەتكەن، دەپ حابارلادى qamshy.kz «قازاقپارات»-قا سىلتەمە جاساپ. «نيسسان تەرانو» كولىگىنىڭ جۇرگىزۋشىسى ءۇش جولاۋشىمەن بالقاش قالاسىنان ءۇش شاقىرىم جەردەگى بالقاش كولىنە مۇزعا شىققان.
جۇقا مۇز جارىلىپ، كولىك سۋعا ءتۇسىپ كەتكەن، ءتورتىنشى جولاۋشى ءۇش ەر ادامنىڭ سۋدان شىعۋىنا كومەكتەسكەن. «ول باتىپ بارا جاتقان كولىكتەن جۇرگىزۋشىلەر مەن جولاۋشىلاردى شىعارىپ الىپ، ءوزى سالوندا قالىپ قويدى، ەر ادامدار مۇز ۇستىنە شىقتى دا، ءتورتىنشى جولاۋشى شىعا الماي قالدى»، - دەدى بالىقشىلاردىڭ ءبىرىنىڭ جۇبايى تاتيانا يۆانوۆا. تجد باسپا ءسوز قىزمەتىندەگىلەردىڭ حابارلاعانىنداي، 1953 جىلى تۋعان ەر ادامنىڭ دەنەسىن ىزدەپ جاتىر.
«كولىك سالونىنان ونىڭ دەنەسى تابىلمادى. سۇڭگۋىرلەر مەن قاجەتتى تەحنيكا تارتىلدى»، - دەپ حابارلادى دەپارتامەنتتىڭ باسپا ءسوز قىزمەتىنەن.
