قازان قالاسىنىڭ تۇرعىنى جول اپاتىنان كوز جۇمدى، دەپ حابارلايدى 360 تەلەارنا، مالىمەتتىڭ قازاقشا نۇسقاسىن «قامشى» پورتالى وقىرمان نازارىنا ۇسىنادى.

23 ناۋرىزدىڭ تاڭىندا قازان-دۋبيازى تراسساسىنان 10 كيلومەتر قاشىقتىقتا ورنالاسقان تاتارستاننىڭ زەلەنودول اۋدانىندا ءىرى جول كولىك اپاتى ورىن العان. كولىك جۇرگىزىپ كەلە جاتىپ، ءوزىن تىكەلەي ەفيردە ۆيدەوعا ءتۇسىرىپ كەلە جاتقان بويجەتكەن تەلەفونىنا كوڭىلى اۋىپ كەتە بەرىپ، اقىر سوڭىندا كولىكتى باسقارا الماي قالادى. Daewoo Matiz كولىگىنىڭ يەسى قارسى بەتكە شىعىپ كەتىپ، قوعامدىق كولىككە كەلىپ سوقتىعىسقان.

اتالمىش وقيعانىڭ سالدارىنان بويجەتكەن ءتىل تارتپاي كەتكەن. سونىمەن قاتار قوعامدىق كولىك جۇرگىزۋشىسى مەن بەس جولاۋشى، ونىڭ ىشىندە 7 جاستاعى ءبۇلدىرشىن زارداپ شەككەن. جاراقات العانداردى اۋداننىڭ ورتالىق اۋرۋحاناسىنا جەدەل تۇردە جەتكىزگەن.