ءانۋار نۇرپەيىسوۆ: «قازاق ۇلتى ءبارىبىر جويىلادى» دەگەن مەنىڭ ايتقان سوزدەرىم ەمەس
ەلىمىزگە بەلگىلى اكتەر ءانۋار نۇرپەيىسوۆ جۋىردا عانا «قازاق ۇلتى ەرتە مە، كەش پە، ءبارىبىر جويىلادى. سوندىقتان دا ۇلت ءۇشىن اسا قاتتى قام جەمەڭىزدەر» دەگەن سوزدەرى ءۇشىن سىننىڭ استىندا قالعان بولاتىن. اتالمىش ىسكە قاتىستى اكتەر الەۋمەتتىك جەلىدە ۆيدەو ارقىلى كوپشىلىككە جاۋاپ بەرىپ، قازاقستاندىق اقپاراتتىق پورتالدى سوتقا بەرمەك، دەپ حابارلايدى «قامشى»
ءوزىنىڭ ۆيدەو جولداۋىندا ءانۋار نۇرپەيىسوۆ بىلاي دەديى:
«سالەم، دوستار! سىزدەرگە سوڭعى ۋاقىتتا بولىپ جاتقان داۋ-دامايعا قاتىستى جاۋابىمدى بەرگىم كەلەدى. قازاقستاندىق اقپاراتتىق سايت ءوزىنىڭ بىلىكسىزدىگىن تاعى دا دالەلدەدى. جارتى ساعات بۇرىن اتىراۋ قالاسىنداعى فورۋمدا «قازاق ۇلتى 500 نەمەسە 1000 جىلدان كەيىن جويىلۋى مۇمكىن» دەگەن سوزدەر ايتقان بولاتىنمىن. بۇل – مۇمكىن، بۇل – گيپوتەزا. نەگىزىندە، بۇل مەنىڭ سوزدەرىم ەمەس. بۇل سوزدەردى بىرنەشە جىلدان كەيىن الەمدە تەك ءبىر ۇلت قانا بولادى دەپ ەسەپتەيتىن فۋتۋرولوگتار ايتقان».
سونىمەن قاتار قازاقستاندىق پورتالدىڭ وزىنەن كەشىرىم سۇراپ، قاتەلىكتەرىن جۋىپ-شايماسا، ءىستى سوت ارقىلى شەشەتىنىن جەتكىزگەن.
اكتەر ءانۋار نۇرپەيىسوۆتىڭ ۆيدەو ۇندەۋىنە قاتىستى الەۋمەتتىك جەلى قولدانۋشىلارى تۇرلىشە پىكىر بىلدىرۋدە.
