سىبايلاس جەمقورلىقتىڭ كەز كەلگەن كورىنىستەرىنە مۇلدەم توزبەۋشىلىكتى قالىپتاستىرۋ جانە ازاماتتاردى جەدەل قابىلداۋدى جۇرگىزۋ ماقساتىندا، سىبايلاس جەمقورلىققا قارسى موبيلدىك توپتىڭ شىعۋ ءراسىمى «ق ر تۇڭعىش پرەزيدەنتى» ساياباعىندا قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ جامبىل وبلىسى بويىنشا دەپارتامەنتىنىڭ ۇيىمداستىرۋىمەن ءوتتى. ءىس-شارا بارىسىندا قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ جامبىل وبلىسى بويىنشا دەپارتامەنتىنىڭ باسشىسى ماقسۇت ىبىرايحان ۇلى نالىبايەۆ، «نۇر وتان» پارتياسى جامبىل وبلىستىق فيليالى ءتوراعاسىنىڭ ءى-شى ورىنباسارى شۇكەيەۆ مۇراتحان ءجۇنىسالى ۇلى، «جاڭارۋ» سىبايلاس جەمقورلىققا قارسى جالپىۇلتتىق قوزعالىسى رەسپۋبليكالىق قوعامدىق بىرلەستىگىنىڭ جامبىل وبلىستىق بولىمشەسىنىڭ ديرەكتورى تولەندييەۆ قاسىمحان ەستەمەس ۇلى، قازاقستان رەسپۋبليكاسىنىڭ مەملەكەتتىك سىيلىعىنىڭ لاۋرەاتى، مادەنيەت قايراتكەرى سالىقوۆا نۇرسيپات راحىمباي قىزى، قازاقستان رەسپۋبليكاسىنىڭ ەڭبەك سىڭىرگەن سپورت شەبەرى ترۋبين دميتريي اناتوليەۆيچ ءسوز سويلەپ، جاستارعا سىبايلاس جەمقورلىققا قارسى كۇرەستىڭ ماڭىزىن ءتۇسىندىردى.

ءىس-شارانىڭ ماقساتى: قازاقستان رەسپۋبليكاسىنىڭ پرەزيدەنتى ن.ءا.نازاربايەۆتىڭ 2017 جىلعى 31 قاڭتارداعى قازاقستان حالقىنا ارناعان «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىنىڭ 5ء-شى جانە بەس ينستيتۋسيونالدىق رەفورمانى ىسكە اسىرۋ بويىنشا 100 ناقتى قادام ۇلت جوسپارىنىڭ               13 قادامىن ورىنداۋ ماقساتىندا «پاراسىز بولاشاققا. بىرگە!» ۇرانىمەن سىبايلاس جەمقورلىققا قارسى موبيلدىك توپ قۇرىلدى. موبيلدىك توپتىڭ نەگىزگى ماقساتى:  وبلىس اۋماعىندا ورنالاسقان بارلىق مەكەمەلەردىڭ ەڭبەك ۇجىمدارىندا ءاقپاراتتىق-تۇسىندىرۋ جۇمىستارىن جۇرگىزۋ، مەملەكەتتىك قىزمەت كورسەتۋ بارىسىندا تۋىندايتىن اكىمشىلىك بارەرلەردى بارىنشا ازايتۋ، ازاماتتاردى جەكە قابىلداۋدى جۇزەگە اسىرۋ. موبيلدىك توپ جۇمىسى 24 ناۋرىزدان باستالىپ، جىل سونىنا دەيىن جۇرگىزىلەدى.

موبيلدىك توپ قۇرامىنا «نۇر وتان» پارتياسى جامبىل وبلىستىق فيليالىنىڭ قىزمەتكەرلەرى، «جاڭارۋ» سىبايلاس جەمقورلىققا قارسى جالپىۇلتتىق قوزعالىسى رەسپۋبليكالىق قوعامدىق بىرلەستىگىنىڭ وكىلدەرى، وبلىستىق كاسىپوداق ۇيىمدارىنىڭ جەتەكشىلەرى، وبلىستىق قوعامدىق كەڭەس مۇشەلەرى، قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى جانە ۇلتتىق بيۋروسىنىڭ جامبىل وبلىسى بويىنشا دەپارتامەنتىنىڭ باسشىلىعى ەنگىزىلگەن.

ءىس-شارا سوڭىندا ەستەلىك سۋرەتكە ءتۇسىپ، اۆتوكەرۋەن مۇشەلەرى «قازفوسفات» ۇجىمىمەن كەزدەسىپ، جەكە قابىلداۋ وتكىزۋ ماقساتىندا اتتاندى.