الەمنىڭ تۇكپىر-تۇكپىرىنەن ديماشتىڭ جانكۇيەرلەرى ىستىق ىقىلاستارىن ءبىلدىرىپ، ءتۇرلى سالەمدەمەلەر جولداپ جاتىر. سولاردىڭ ءبىرى كلەريز ەسىمدى فرانسۋزدىق بويجەتكەن «دايديداۋ» ءانىن ورىنداپ، ديماشقا سالەم جولدادى، دەپ حابارلايدى «قامشى»

«سالەم، ديماش! مەنىڭ ەسىمىم – كلەريز جانە دە مەن رەيۋنون ارالىندا تۇرامىن. ءدال بۇگىن ءسىز جانە ءسىزدىڭ كەرەمەت تالانتىڭىز جايىندا ءوز پىكرىمدى بىلدىرۋىمە مۇمكىندىك تۋىنداپ وتىر. الايدا، ونى سوزبەن ايتىپ جەتكىزۋ مۇمكىن ەمەس. ءبىر ادامنىڭ «ءسىز ءوز انىڭىزبەن سوعىستى توقتاتا الاسىز» دەگەن پىكىر وقىعان بولاتىنمىن. وتە كەرەمەت ايتىلعان سوزدەر. وسى سوزدەر ارقىلى ءبىز سەكىلدى جانكۇيەرلەر ءسىزدىڭ داۋىسىڭىزدى ەستىگەن كەزدەگى ءوز ويىمىز بەن ەموسيالارىمىزدى جەتكىزە الامىز. راسىمەن دە، وسى ۋاقىتقا دەيىن ءبىر ءاننىڭ ىشىنە سۇلۋلىقتى دا، ماحابباتتى دا، ەموسيانى دا سىيعىزىپ ايتقان ادامدى كورمەپپىن. ەندى ءسىزدىڭ تىلىڭىزدەگى ءاندى مەڭگەرۋ كەزەگى بىزگە كەلدى. مەنىڭ دايديداۋدى ايتقان سەبەبىم، بۇل ءاننىڭ ءسىزدىڭ جۇرەگىڭىزگە جاقىن ەكەنىن بىلەمىن...» - دەيدى ءوز سالەمدەمەسىندە ديماشتىڭ فرانسۋزدىق جانكۇيەرى.