قىتايدىڭ نيانجين تەمىر جول ۆوكزالىندا 30-دان اسقان ازامات پويىزدىڭ الدىنان جۇگىرىپ وتپەك بولعان. وقيعا وتكەن جەكسەنبىدە، ياعني 26 ناۋرىز كۇنى بولعان. جوعارى جىلدامدىقپەن كەلە جاتقان جۇردەك پويىز جۇرگىزۋشىسى ازاماتتى كورگەنىمەن، بىردەن تەجەگىشتى باسىپ ۇلگەرمەگەن. سونىڭ سالدارىنان ەر ادام پويىز بەن جاقتاۋدىڭ اراسىنا قىسىلىپ، جىگىتتى جۇردەك پويىز بەلىنەن تومەن جاقتان باسىپ وتكەن. قىتايدىڭ جاڭسۋ تەلەارناسىنىڭ مالىمەتىنە سايكەس، بۇل ەر ادامنىڭ جولاۋشى بيلەتى بولماعان، سونىمەن قاتار جۇيكە جۇيەسىندە زاقىم بار ەكەنى انىقتالدى.
وقيعا ورنىنا دەرەۋ جەتكەن جەدەل كومەك كورسەتۋ قىزمەتكەرلەرى ەكى ساعات بويى ەر ازاماتتى الىپ شىعۋمەن اينالىسقان. الايدا، دارىگەرلەر بۇل جىگىتتىڭ ءومىرىن ساقتاپ قالا المادى.
