ەلىمىزگە بەلگىلى ءتىلشى ازامات كەڭەس ۇلى «قازاق حاندىعى» فيلمىندە شاحبۋداحتىڭ جەسىرى اققوزىنى سومداعان جالپى جۇرتقا تانىمال ءانشى كامشات جولدىبايەۆاعا قاتىستى سىني پىكىر ايتىپ، ءوز ويىمەن Facebook الەۋمەتتىك جەلىسىندەگى جەكە پاراقشاسىندا ءبىلدىردى. 

«كوشپەندىلەر» ءفيلمىنىڭ بيۋدجەتى ءبىراز قازىنامىزدى وپىرىپ كەتىپ ەدى. سول كەزدە وپىنىپ ەك. بۇگىن "قازاق حاندىعىن" كورىپ، ازداپ كۇپتى كوڭىل ورنىنا تۇسكەندەي بولدى. سول كەزدە سالىنعان "ماكەت قالاشىق" كوپ فيلمگە كومەك بولدى. ءبىراز قارجى ۇنەمدەلدى. ءبىراق، ءبىراعى بار. شوۋ بيزنەستىڭ شاڭىراعىندا جۇرگەندەردىڭ تاريحي فيلمدەردە ويناعانىن تەگى ءبىر قابىلداي الماي-اق قويدىم. كامشات جولدىبايەۆادان باسقا اكتريسا تابىلمادى ما؟ 18 تەاتردان كامشاتتىڭ ورنىنا وينايتىن ءبىر كاسىبي اكتريسا تابىلمادى ما ەكەن؟ جالپى ءفيلمنىڭ جارىققا شىعۋى ۇلكەن تابىس. ءبىراق، اقىرى قىرۋار اقشا جۇمسالعاسىن، كىل مىقتى كينوگەرلەر جۇرگەسىن ءمىنسىز فيلم شىعۋى ءتيىس ەدى»، - دەپ، ءوز پىكىرىمەن ءبولىستى ءتىلشى.

ازامات كەڭەس ۇلىنىڭ بۇل پىكىرىن قولداعان وقىرمان كوپ بولدى. ولار دا تۇرلىشە پىكىر قالدىرىپ، ءوز ويلارىن جازىپ قالدىردى:

«وسىنى مەن دە ايتايىن دەپ ەدىم. كينونى كادىمگىدەي ۇيىپ كورىپ وتىرىپ، كامشات كيمەشەكپەن جىلاپ جاتقان جەرىن كورگەندە ەرىكسىز كۇلىپ جىبەرىپ، كينوتەاترداعى باسقا كورەرمەندەردەن قىسىلعانىم. راس كليپ پەن تاريحي فيلمدە بىرگە ءتۇسىپ جۇرە بەرۋگە بولمايدى عوي. ەكران بەتىنەن تۇسپەيتىن كەيبىر وزگە اكتەرلەر مەن انشى-جۇرگىزۋشىلەرگە دە ەسكەرەتىن دۇنيە نەگىزى. مىسالى ءلايلا سۇلتان قىزى دەگەن كىسىدەن كوز شارشادى»

«قازاقتىڭ تۇرمىسى مەن پسيحولوگياسىن قازاقتان ارتىق ەشكىم تۇسىنبەيدى. وزگە ۇلتتاردى تىقپالاي بەرگەنشە، ءوزىمىز سول دەڭگەيگە كوتەرىلۋىمىز قاجەت».