"قامشى" پورتالىندا اقپاننىڭ ەكىسىندە بەيبىتبەك بۇركىتباي ۇلىنىڭ "اسانوۆقا اشىق حات! قاشانعى «بەتپاق جەڭدى، بەيباق كوندى» دەپ جۇرە بەرەمىز؟" اتتى ماقالاسى جاريانعان ەدى. 
باس پروكۋراتۋرا مەن ەڭبەك، الەۋمەتتىك قورعاۋ جانە كوشى-قون كوميتەتىنىڭ قىزىلوردا وبلىسى بويىنشا دەپارتامەنتىنىڭ (بۇدان ءارى – دەپارتامەنت) سوت اكتىسىن ورىنداماعانى جانە ج. بەيبىتبەككە مۇگەدەكتىك بەلگىلەۋدەن باس تارتۋ جونىندەگى قورىتىندىسىمەن كەلىسپەۋ تۋرالى اشىق حاتىن باس پروكۋراتۋرا قاراعان.  Qamshy.kz پوشتاسىنا ق ر باس پروكۋراتۋراسىنان وسى اشىق حاتقا بايلانىستى رەسمي جاۋاپ كەلىپ ءتۇستى. 

"2017 جىلعى 24 اقپاندا دەپارتامەنتتىڭ ىس-ارەكەتىن زاڭسىز دەپ تانۋ تۋرالى ارىزىڭىز قىزىلوردا قالالىق سوتىنىڭ وندىرىسىنە قابىلدانعانى انىقتالدى. «قازاقستان رەسپۋبليكاسىنىڭ سوت جۇيەسى مەن سۋديالارىنىڭ مارتەبەسى تۋرالى» كونستيتۋسيالىق زاڭنىڭ 1-بابىنا سايكەس سوت iسiن قاراۋ ءتارتiبiمەن قارالۋعا تيiس ءوتiنiشتەردi، ارىزدار مەن شاعىمداردى باسقا ەشقانداي ورگاننىڭ، لاۋازىمدى نەمەسە وزگە دە ادامداردىڭ قاراۋىنا نەمەسە باقىلاۋعا الۋىنا بولمايدى. وسىعان بايلانىستى دەپارتامەنتتىڭ ىس-ارەكەتىنە قاتىستى قۇقىقتىق باعا سوتپەن بەرىلەدى" دەدى ق ر باس پروكۋراتۋرانىڭ وكىلى.