ەۋرازيالىق توپ (ERG) ستۋدەنتتىك ورتادا جاستار كاسىپكەرلىگىنىڭ ەكو-جۇيەسىن قۇرۋ جوباسىن قولعا الىنعانىن حابارلايدى. كومپانيانىڭ تىڭ باستاماسى اقتوبە قالاسىندا ستۋدەنتتىك كاسىپكەرلدىكتى دامىتۋعا ارنالعان دوڭگەلەك ۇستەل بارىسىندا كوپشىلىككە تانىستىرىلدى.
تالقىلاۋعا ق ر ءبىلىم جانە عىلىم مينيسترلىگى، ق ر ينۆەستيسيالار جانە دامۋ مينيسترلىگى، اقتوبە وبلىسىنىڭ اكىمدىگى، ق ر كاسىپكەرلەرىنىڭ «اتامەكەن» ۇلتتىق پالاتاسى، «دامۋ» كاسىپكەرلىكتى دامىتۋ قورى» اق، Eurasian Resources Group، ۇكىمەتتىك ەمەس ۇيىمدار، ايماقتاعى جوعارى وقۋ ورىندارى مەن جەرگىلىكتى بيزنەس قاۋىمداستىعىنىڭ وكىلدەرى قاتىستى.
كەلەشەك 4.0 يندۋسترياسىنىڭ نەگىزگى قاتەرى – حالىقتى ەڭبەكپەن قامتۋ. ەۋرازيالىق توپ وسى تۇيتكىلدى ءىستىڭ ءتۇيىنىن تارقاتۋ ءۇشىن تىڭ شەشىم – شاعىن قالالارداعى بەلسەندى ءارى ىسكەر جاستاردى دامىتۋدى ۇسىنىپ وتىر. وسى ورايدا، بيزنەستى جۇرگىزۋدىڭ الەۋمەتتىك جاۋاپكەرشىلىگى قاعيدالارىنا سۇيەنەتىن ERG كومپانيالارى وزدەرى ورنالاسقان وڭىرلەردەگى جوعارعى وقۋ ورىندارىنىڭ كاسىپكەرلىك باعىتقا يكەمدەلىپ، ترانسفورماسيالانۋى قولعابىس ەتىپ، «ستۋدەنتتىك ورتادا جاستار كاسىپكەرلىگىنىڭ ەكو-جۇيەسىن قۇرۋ جوباسىن» جۇزەگە اسىرا باستاماق.
جاڭا باعدارلاما دەگەنىمىز سەرىكتەس ۋنيۆەرسيتەتتەردى قارجىلاندىرۋ ەمەس. كەرىسىنشە، ERG وقىتۋ ترەنينگتەرى مەن كۋرستارىنا جەتەكشى كوۋچتەردى تارتىپ، جۇمىلدىرۋ مىندەتىن ءوز موينىنا الادى. بەلسەندى ستۋدەنتتەرگە مەنتورلاردى بەلگىلەپ، جاالىندى جاستارعا ءوز يدەيالارىنىڭ ەكونوميكالىق تيىمدىلىگىن ەسەپتەۋ داعدىلارىن ۇيرەتەدى. قاجەت بولعان جاعدايدا عيماراتتارىن تەحنوپاركتەر مەن زەرتحانالاردىڭ قاجەتىنە بەرىپ، بارىنشا سەپتەسپەك.
– ءبىز جاستاردىڭ، سونىڭ ىشىندە ستۋدەنتتەردىڭ كاسىپكەرلىك باستامالارى قازاقستان ەكونوميكاسىنىڭ نەگىزگى يننوۆاسيالىق دامۋ فاكتورلارىنىڭ بىرىنە اينالارىنا نىق سەنىمدىمىز،– دەدى ەۋرازيالىق توپ باسقارما ءتوراعاسىنىڭ پەرسونال جانە الەۋمەتتىك جۇمىس جونىندەگى ورىنباسارى يرينا داۋلەتباكوۆا. – وسى ورايدا ءبىز جوعارعى وقۋ ورىندارى مەن توپتىڭ ستۋدەنتتىك كاسىپكەرلىكتىڭ ەكو-جۇيەسىن قۇرۋ باعىتىنداعى ارىپتەستىگىنىڭ ءتيىمدى تەتىكتەرىن ازىرلەدىك. ەڭ باستىسى بۇل جەردە وسى ارىپتەستىكتى دۇرىس جاناما دەڭگەيدە ۇيىمداستىرا ءبىلۋ.
ERG–ءدىڭ ستۋدەنتتىك كاسىپكەرلىكتى قولداۋعا باعىتتالعان قانات قاقتى جوباسى س.تورايعىروۆ اتىنداعى پاۆلودار مەملەكەتتىك ۋنيۆەرسيتەتى بازاسىندا ءساتتى سىنالدى. ىلكىمدى ىسكە تەل-اۆيۆ ۋنيۆەرسيتەتى (تاۋ) مەن قازاقستانداعى تەل-اۆيۆ ۋنيۆەرسيتەتى دوستارىنىڭ قاۋىمداستىعى سەپتىگىن تيگىزدى. ناتيجەسىندە باستامانىڭ ومىرشەڭدىگى مەن وزەكتىگىنى ايقىن اڭعارىلدى.
باعدارلامانىڭ تۇساۋكەسەرىنەن كەيىن ERG جوباسىنا قاتىساتىن، ىرىكتەۋدەن وتكەن جوعارعى وقۋ ورىندارى-سەرىكتەستەر ءتىزىمى جاريالاندى.
– ءبىز جۇمىلا كىرىسسەك، ستۋدەنتتىك كاسىپكەرلىكتىڭ ەكو-جۇيەسىن قۇرا الاتىنىمىزعا كامىل سەنىمدىمىز. ءارى ءوز كەزەگىندە ول بەلسەندى ومىرلىك ۇستانىمدارى بار تۇلەكتەردى شىڭداپ، ولاردىڭ شىنايى كاسىپكەرلىك ورتاعا كىرىگۋىنە زور ىقپالىن تيگىزەدى،– دەپ تۇيىندەدى ي. داۋلەتباكوۆا.
