وسكەمەندە «دينا» كوپتەپ ساتۋ ورتالىعىندا  نامازحانا اشىپ، ونى تىركەمەگەنى ءۇشىن باسشىلىعى اكىمشىلىك جاۋاپكەرشىلىككە تارتىلعان. 200 اەك كولەمىندە ايىپپۇل سالىنىپ، جۇمىسى ءۇش ايعا توقتاتىلعان.

         بۇل جايلى شىعىس قازاقستان ايماقتىق كوممۋنيكاسيالار قىزمەتىندە وتكەن باسپا ءسوز ءماسليحاتى بارىسىندا شقو ءدىن ىستەرى باسقارماسىنىڭ باسشىسى بەيبىت ءاشىموۆ مالىمدەدى.

         ايماقتاعى ءدىني جايتقا توقتالىپ وتكەن باسقارما باسشىسىنىڭ ايتۋىنشا، بۇگىنگى تاڭدا جاعداي ءبىرقالىپتى. باسقارما قۇزىرلى ورگاندارمەن بىرلەسە وتىرىپ، الەۋمەتتىك جەلىلەرمەن جۇمىستى كۇشەيتكەن.

         – وتكەن جىلى عالامتور جەلىسىندە جۇرگىزىلگەن مونيتورينگ بارىسىندا 848 دەرەككوزدىڭ ىشىنەن، ونىڭ ىشىندە ەكسترەميزم مەن تەرروريزمدى ناسيحاتتايتىن 370 بەينەروليكتەر مەن 120 ينتەرنەت پورتال انىقتالدى. جاستاردىڭ ساناسىن مۇنداي قاۋىپتەن ساقتاۋ ماقساتىندا عالامتورداعى دەرەككوزدەردى بۇعاتتاۋ جۇمىسىمەن اينالىسۋدامىز، – دەدى بەيبىت ءاشىموۆ.

         ايتا كەتسەك، شقو-دا 201 مەشىت، 39 پراۆوسلاۆ، 60 پروتەستانتتىق، 6 كاتوليكتىك شىركەۋ، كرينشايتتىك جانە  يۋدەي ءدىني بىرلەستىكتەرى جۇمىس جاساۋدا