رەسەيدىڭ پريمورە اتالاتىن اۋدانىندا دۇكەندەردى تەكسەرۋ پروسەسى قىزۋ ءجۇرىپ جاتىر. ونىڭ سەبەبى سوڭعى ۋاقىتتارى سىرتقى قاپتاماسىندا ءقاۋىپتى ارەكەتتەرگە ۇگىتتەيتىن ساعىزدار تارالىپ كەتكەن.  بۇل تۋرالى «قامشى» پورتالى  ريا نوۆوستي-عا سىلتەمە جاساپ. ەكى اپتا ىشىندە وسى وتە ءقاۋىپتى ساعىدار اۋماقتاعى ونداعان دۇكەندەردە  جاقسى ساتىلىپتى.

وسىنىڭ الدىندا، رەسەيدىڭ باسقا دا: كراسنودار، ساحالين، ورەنبۋرگ، استراحان اۋماقتارىنداعى دۇكەندەردە «Five. شىندىق نەمەسە ارەكەت» اتالاتىن ساعىزدار ساتىلعان. Wrigley كومپانياسى شىعاراتىن بۇل ساعىز قوراپشاسىنىڭ سىرتىندا «بيىك عيمارات ۇستىنە شىق تا، ولەر الدىندا نە ىستەۋ كەرەك ەكەنىن ويلان» دەگەن سەكىلدى سۋيسيدكە ۇگىتتەيتىن جازبالار بار ەكەنى انىقتالعان.

Wrigley  كومپانياسى ءوز كەزەگىندە Five ساعىزدارىن ساتىلىمنان الىپ جاتقاندىقدىقتارىن،  تاۋارلارى ەندى وتە از مولشەردە عانا قالعانىن ايتقان.

سونىمەن بىرگە، تاۋاردى وندىرۋشىلەر ساعىز سىرتىنداعى شارتتاردا بارلىعىن ءقاۋىپسىز تۇردە ورىنداۋعا بولاتىندىعى جازىلعان دەپ اقتالادى.

تاۋاردىڭ ليسەنزياسىن تەكسەرەتىن ارنايى ۇيىمنىڭ وكىلى ەلەنە كوۆال 17 ناۋرىز كۇنى اتا-انالار تاراپىنان وسى ساعىزعا قاتىستى ارىزدار تۇسكەن. ساراپتاما ناتيجەسىندە بەلگىلى بولعانداي، بۇل ساعىز قاپتاماسىنىڭ سىرتىندا راسىندا دا ومىرگە ءقاۋىپ توندىرەتىن ارەكەتتەرگە ۇگىتتەيتىن  جازبالاردىڭ جازىلعاندىعى بەلگىلى بولدى. قازىرگى ۋاقىتتا وسى تاۋاردى ساتىلىمنان الۋ ماسەلەسى جۇرگىزىلىپ جاتىر.