بىرنەشە جىل بۇرىن امەريكالىق ينگەبورگ ماكينتوش ەسىمدى ايەل بۇل بالانى اسىراپ الۋ ءۇشىن كوپ كۇش جۇمسادى. دجوردان كىشكەنتاي كەزىندە جەتىمدەر ۇيىنە تاپسىرىلعان. ءدال سول بالانى اسىراپ الۋ ءۇشىن ايەل 4 جىل ۋاقىتىن سارپ ەتكەن.

بۇلاي ۇزاق ءجۇرۋىنىڭ سەبەبى تۋعان اناسى بالانى افروامەريكاندىق وتباسىنىڭ اسىراپ العانىن قالاعان ەدى. ونداي وتباسى تابىلماعاندىقتان جەتىمدەر ءۇيىنىڭ جەتەكشىلىگى بالانى ينگەبورگقا بەرەدى. ايەلدىڭ ايتۋىنشا، ول بالانى العاش كورگەندە ءوزىنىڭ وباسىنىڭ مۇشەسى ەكەنىن سەزگەن.

ارادا 20 جىل وتكەن سوڭ ايەل اۋىر دەرتكە شالدىعادى. دەرەۋ بۇيرەگىن اۋىستىرۋ قاجەت بولادى، تەز ارادا اۋىستىرماسا ومىرىنە ءقاۋىپ ءتونىپ تۇرۋى مۇمكىن ەدى. وعان قاجەتتى دونور تابىلماعاندىقتان ۇلى اناسىنا جاسىرىن تۇردە دونور بولامىن دەپ شەشىم قابىلدايدى. ءوزىنىڭ بۇيرەگى اناسىنا جارار-جاراماسىن انىقتاۋ ءۇشىن قان تاپسىرادى، ناتيجەسى وڭ بولىپ شىعادى.

ەكنىشى ءومىر سىيلاعان اناسى ءۇشىن دجوردان دەرەۋ وتا جاساتۋعا بەل بايلايدى. ونى اسىراپ، باعىپ-قاعىپ، بار ماحابباتىن اياماعان ادام ءۇشىن جانىن بەرۋگە دايىن ەكەنىن جاس جىگىت تەبىرەنە ايتادى. بۇل ونىڭ ىستەگەن جاقسىلىعىنا ءوزىنىڭ العىسى رەتىندە سانالدى. ءوزىن اسىراپ الۋ ءۇشىن اناسىنىڭ قانشا كۇش جۇمساعانىن جىگىت جاقسى بىلەدى. ءتىپتى، كىشكەنتاي كەزىنىڭ وزىندە جىلۋلىعىن توككەن اياۋلى جان ءۇشىن بۇل دجورداننىڭ قايتارىمى بولدى.

الايدا، بۇل اناسى ءۇشىن ىستەگەن جاقسىلىقتاردىڭ باستاماسى عانا دەيدى. ونى قالاي جاقسى كورىپ باعالايتىنىنىڭ كورسەتكىشى عانا.

ءسويتىپ، كوپتەن كۇتكەن وتا ءساتتى اياقتالادى. بۇگىنگى كۇنى ينگەربورگ «مەنىڭ بالام – الەمدەگى ەڭ جاقسى ادام» دەپ سەنىممەن ايتا الادى.