ريۆەرسايدىڭ كاليفورنيا ۋنيۆەرسيتەتىنىڭ حيميكتەر توبى وزدىگىنەن قالپىنا كەلەتىن ەلەكتر توعىن وتكىزەتىن ماتەريال جاساپ شىعاردى. ونى سمارتفونداردىڭ ديسپلەيىنە قولدانۋعا بولادى دەپ حابارلايدى «قامشى» اقپاراتتىق اگەنتتىگى Business Insider-گە سىلتەمە جاساپ.
زەرتتەۋ جۇمىستارىنىڭ اۆتورى چاو ۆان (Chao Wang) 253ء-شى امەريكاندىق حيميالىق قوعامداستىقتىڭ كورمەسىندە ماتەريالدىڭ قاتتى سوققىعا توزىمدىلىگى مەن سىزىقتاردى تۇسىرمەيتىنىن ايتتى. سونىمەن قاتار، ول ءوزىنىڭ العاشقى ۇزىندىعىنان 50 ەسەگە دەيىن ۇزارا الاتىن قاسيەتكە يە.
ماتەريالدىڭ نەگىزى نەكوۆالەنتتى بايلانىس، ياعني ءيون-ديپولدى ارەكەتتەستىكتەن تۇرادى. سوندىقتان، ەگەر ول زاقىمدانسا نەمەسە سىنسا يوندار مەن مولەكۋلالار ءبىر-بىرىن تارتىپ، سىرتقى قاباتىن قايتا قالپىنا كەلتىرەدى.
پىكىر قالدىرۋ