جارتى ميلليونعا جۋىق امەريكالىقتار دونالد ترامپتىڭ ايەلىنىڭ نيۋ-يوركتە ءومىر سۇرۋىنە كەتىپ جاتقان قارجى كولەمىنە بايلانىستى جازىلعان پەتيسياعا قول قويدى، دەپ جازادى «قامشى» اقپاراتتىق اگەنتتىگى.

Change.org. سايتىنا «مەلانيا ترامپ اق ۇيدە قالسىن نەمەسە ءوز شىعىنىن ءوزى تولەسىن» دەگەن تاقىرىپتاعى پەتيسيا جاريالانىپ، بۇگىنگى كۇنى وعان 515 مىڭ ادام قول ويىپ ۇلگەرگەن. سەبەبى، ءبىرىنشى لەديدىڭ نيۋ-يوركتەگى Trump Tower رەزيدەنسياسىندا ءومىر ءسۇرۋى سالىق تولەۋشىلەر ءۇشىن قىمباتقا ءتۇسىپ جاتقان كورىنەدى.

ماتىندە كورسەتىلگەندەي، امەريكالىق سالىق تولەۋشىلەر پرەزيدەنتتىڭ ايەلى ءۇشىن كەتىپ جاتقان اقشانىڭ وتە قوماقتى ەكەنىن ايتتى. مۇنداي شىعىن مەملەكەت ءۇشىن وڭ ناتيجە اكەلمەيدى جانە قارجى ماسەلەسىندە قيىندىقتار تۋىنداۋى مۇمكىن.

ب ا ق وكىلدەرىنىڭ حابارلاۋىنشا، ترامپتىڭ وتباسىن قامتاماسىز ەتۋ ءۇشىن كۇندەلىكتى 127 مىڭنان 146 مىڭ دوللارعا دەيىن قارجى جۇمسالادى ەكەن.

بۇرىنىراق مەلانيا ترامپ ۇلى بەررونمەن نيۋ-يوركتەن اق ۇيگە كوشپەيتىنىن، Trump Towerدە قالاتىنىن ايتقان.

ايتا كەتەيىك، 2016 جىلدىڭ جەلتوقسانىندا دا نيۋ-يورك تۇرعىندارى مەلانيا ترامپتىڭ قالادان كەتۋى جونىندە پەتيسياعا قول قويعان بولاتىن. سەبەبى، مەلانيا ترامپتىڭ بار شىعىنىن قالا اكىمدىگى موينىنا العان.