ەلباسى تاپسىرماسىنا سايكەس ق ر پرەمەر-مينيسترىنىڭ ورىنباسارى – اۋىل شارۋاشىلىعى ءمينيسترى اسقار مىرزاحمەتوۆ باستاعان قازاقستان دەلەگاسياسى يزرايل مەملەكەتىنە جۇمىس ساپارىمەن باردى دەپ حابارلايدى "قامشى" اقپاراتتىق اگەنتتىگى ق ر اشم باسپا ءسوز قىزمەتىنە سىلتەمە جاساپ.

دەلەگاسيا قۇرامىندا مەملەكەتتىك ورگان، «اتامەكەن» ۇكپ، ۇلتتىق اگرارلىق ءعىلىمي-بىلىم بەرۋ ورتالىعى جانە «قازاقستانينجينيرينگ»، «ازىق-تۇلىك كەلىسىم شارت كورپوراسياسى» ۇلتتىق كومپانيالارىنىڭ وكىلدەرى بار.

جۇمىس ساپارىنىڭ باستى ماقساتى – مەملەكەت باسشىسى ن.نازاربايەۆتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى قازاقستان حالقىنا جولداۋىنداعى اوك-كە شەتەلدەن ينۆەستيسيا تارتۋ بويىنشا بەرگەن تاپسىرمالارىن جۇزەگە اسىرۋ جانە ەكى جاقتى ءتيىمدى كەلىسىمدەرگە قول جەتكىزۋ.

ا.مىرزاحمەتوۆ يزرايل مەملەكەتىنىڭ اۋىل شارۋاشىلىعى جانە اۋىلدىق اۋماقتاردى دامىتۋ ءمينيسترى، كنەسسەتتەگى «ەۆرەي ءۇيى» پارتياسىنىڭ دەپۋتاتى ۋري اريەلمەن كەزدەستى.

كەزدەسۋ بارىسىندا ەكى ەل اراسىنداعى كەلىسىمگە سايكەس 2017-2018 جىلدارعا ارنالعان اۋىل شارۋاشىلىعى سالاسىندا ىنتىماقتاسۋ بويىنشا جول كارتاسىنا قول قويدى.

بۇدان بولەك، قازاقستان اۋماعىندا كوممەرسيالىق نەگىزدەگى دەمونستراسيالىق فەرمالار قۇرۋ بويىنشا دەكلاراسياعا قول قويىلىپ، ولاردىڭ كەشەنىندە اۋىل شارۋاشىلىعىنىڭ ءار الۋان باعىتتارى بويىنشا تەحنولوگيالاردى تانىستىرۋ تالقىلانادى.

سونداي-اق، دەلەگاسيا مۇشەلەرى اۋىل شارۋاشىلىعى سالاسىنداعى جاڭا تەحنولوگيالارمەن اينالىساتىن «Volcani center» عىلىمي-زەرتتەۋ ينستيتۋتىنا باردى. مۇندا بىرىككەن زەرتتەۋلەر مەن جاس مامانداردى دايارلاۋ ماسەلەلەرى قارالدى.

يزرايل – بالعىن ونىمدەردى سىرتقا شىعاراتىن ءىرى ەكسپورتتاۋشىلاردىڭ ءبىرى جانە اۋىل شارۋاشىلىعى سالاسى بويىنشا الەمدىك كوشباسشى بولىپ تابىلادى.

ينۆەستيسيا تارتۋ جانە وتاندىق ونىمدەردى ەكسپورتتاۋ ءۇشىن «دوڭگەلەك ۇستەل» فورماتىندا يزرايلدىك اگروبيزنەس وكىلدەرىمەن كەزدەسۋ وتكىزۋ دە جوسپاردا بار.
تاعى ءبىر ايتا كەتەرلىك جايت، تاجىريبە الماسۋ ءۇشىن دەلەگاسيا مۇشەلەرى «گرانوت» اۋىل شارۋاشىلىعى كووپەراتيۆى مەن سۋ رەسۋرستارىن ۇنەمدەۋ جانە باسقارۋ كومپانياسى جۇمىسىمەن تانىسادى.