شىعىس قازاقستان وبلىسىندا پوليسەيلەر توقتاتقان كولىكتىڭ جولاۋشىسى قۇقىق قورعاۋ ورگاندارىنىڭ قىزمەتكەرلەرىمەن داۋلاسىپ، نامىسقا تيۋ ءۇشىن كۇش قۇرىلىمىدارىنىڭ كولىگىنە دارەت سىندىرعان، - دەپ حابارلايدى "قامشى" اقپاراتتىق اگەنتتىگى Tengrinews.kz-كە سىلتەمە جاساپ.
وقيعا بورودۋليحا اۋدانىندا بولعان. ءىس ماتەريالدارى بويىنشا، پوليسەيلەر اۋدان ورتالىعىندا كولىكتى توقتاتقان. جۇرگىزۋشى ماس كورىنگەن. ال كولىكتى توقتاتقان كەزدە جولاۋشىسى دا ىشكەن بولىپ شىقتى. سودان جولاۋشى زاڭسىز توقتاتتى دەپ پوليسەيلەرمەن داۋلاسقان. پوليسەيلەر ارەكەتىن ءتۇسىندىرىپ بولعانشا، ول قۇقىق قورعاۋ ورگاندارىنىڭ كولىگىنە بارىپ، ولاردى بالاعاتتاي باستاعان. بۇزاقىنى پوليسيا بولىمشەسىنە جەتكىزدى. ەر ادام ول جەردە دە بىلاپىت سوزدەرىن توقتاتقان جوق جانە باسىن قابىرعاعا ۇرعان.
سوتتا ەر ادامعا قاتىستى قىلمىستىق جانە اكىمشىلىك ايىپ تاعىلدى. زاڭ وكىلدەرىن بالاعاتتاعانى ءۇشىن ول 25 اەك تۇرىندە ايىپپۇل تولەيدى جانە ۇساق بۇزاقىلىق ءۇشىن ۋاقىتشا ۇستاۋ اباقتىسىنا 5 كۇنگە قامالادى.
