بۇگىن وقق-دا «كەدەندىك اكىمشىلەندىرۋدى جەتىلدىرۋ» تاقىرىبى بويىنشا بريفينگ ءوتتى دەپ حابارلايدى "قامشى"اقپاراتتىق اگەنتتىگى. سپيكەر رەتىندە ق ر قارجى مينيسترلىگى مەملەكەتتىك كىرىستەر كوميتەتى ءتوراعاسىنىڭ ورىنباسارى امرين گوسمان كارىم ۇلى ءسوز سويلەدى.

ەلىمىزدىڭ كەدەن ورگاندارىنىڭ قىزمەتى حالىقارالىق ساۋدانىڭ تۇراقتى دامۋىنا قولداۋ كورسەتۋ ءتيىس. مكك اتالعان باعىت بويىنشا ءتيىستى جۇمىستى اتقارۋدا.

بۇگىنگى تاڭدا كەدەندىك راسىمدەر ايتارلىقتاي جەڭىلدەتىلدى، سىرتقى ەكونوميكالىق قىزمەتى (سەق) مۇشەلەرىنە، ورتا جانە شاعىن بيزنەس وكىلدەرىنە بار جاعىمدى جاعدايلار جاسالدى. 

ماسەلەن، بيزنەس-پروسەسستەردى وڭتايلاندىرۋ ناتيجەسىندە جاسالاتىن ىس-ارەكەتتەردىڭ سانى 898-دەن 394-كە دەيىن (2،3 ەسەگە) قىسقارتىلعان. جالپى كەدەندىك راسىمدەۋ ۋاقىتى 6 ساعاتتان 1 ساعاتقا دەيىن قىسقارتىلعان.

حالىقارالىق ساۋدانى جۇرگىزۋ شارتتارىن ودان ءارى جەڭىلدەتۋ ءۇشىن كەدەندىك راسىمدەۋ مەن باقىلاۋ پروسەستەرىن ءبىرتۇتاس پلاتفورما نەگىزىندە ەلەكتروندىق فورماتقا اۋىستىرۋى جوسپارلانعان. بۇگىن وسى پروسەستەر ءار ءتۇرلى اقپاراتتىق جۇيەلەرىندە بايلانىسسىز قالعان. اسيكۋدا حالىقارالىق پلاتفورمانىڭ بازاسىندا ەلەكتروندىق كەدەندىك دەكلاراسيالاۋدىڭ تولىق سيكلىمەن "استانا-1" اقپاراتتىق جۇيەسى قۇرىلادى (كەدەندىك اكىمشىلەندىرۋدىڭ جانە سالىقتىق اكىمشىلەندىرۋدىڭ اۆتوماتتاندىرىلعان جۇيەسى)، ول پيلوتتىق رەجيمدە ەلىمىزدىڭ بارلىق ايماقتارىندا قولدانىلۋدا.

تاۋارلارعا ەلەكتروندى تۇردە بەرىلەتىن دەكلاراسيا وندا جازىلعان مالىمەتتەردى راستايتىن قۇجاتتاردى ۇسىنۋدى قاجەت ەتپەيتىن بولادى. سونىمەن قاتار تاۋەكەلدەردى باسقارۋ جۇيەسى تاۋارلاردى تەكسەرىپ، تاۋەكەلدەردى تاپپاعان جاعدايدا ولار اۆتوماتتى تۇردە (مەملەكەتتىك كىرىستەر ورگاننىڭ لاۋازىمدى تۇلعانىڭ قاتىسۋىنسىز) شىعارىلاتىن بولادى

بۇل جۇيە كەدەن جانە سالىق جۇيەلەر ينتەگراسياسىنىڭ ءبىرىنشى قادامى رەتىندە بولادى.

سونىمەن قاتار مكك ءتوراعا ورىنباسارى استانا قالاسىندا بارلىق باقىلاۋشى ورگانداردى ورنالىسقان جاڭا كولىكتىك-لوگيستيكالىق ورتالىق اشىلعاندىعى تۋرالى حاباردار ەتتى. بۇندا سىرتقى ەكونوميكالىق قىزمەت قاتىسۋشى بارلىق كەشەندى لوگيستيكالىق قىزمەتتى الادى.

ءدال سونداي 4 كەدەندىك راسىمدەۋ ايماقتارى (قازاقستاننىڭ سولتۇستىك، وڭتۇستىك، باتىس جانە شىعىسىندا) قىسقا ۋاقىت ىشىندە باسقا ءىرى قالالاردا دا پايدا بولادى.

بۇدان باسقا، كوپ ۋاقىتتى قاجەت ەتەتىن باقىلاۋدىڭ ەڭ اۋىر تۇرلەرىن (باعانى باقىلاۋ، تاۋارلاردى كلاسسيفيكاسيالاۋ ت.ب.) تاۋارلاردى شىعارعاننان سوڭ (پوستفاكتۋم) وتكىزۋ جوسپارلانۋدا.

ءتىپتى كەيبىر بۇرىن تەكسەرىلگەن جانە ادال سەق مۇشەلەرى ءۇشىن بارلىق باقىلاۋدى «پوستفاكتۋم» رەجيمىنە قالدىرۋ جوسپارلانىپ وتىر. اتالعان ءراسىم اكەلىنگەن تاۋارلاردى كەدەندىك راسىمدەۋسىز بىردەن ىشكى اينالىمعا كىرگىزۋدى مۇمكىندىك بەرەدى.

سىرتقى ساۋدا اينالىمدى جەدەلدەتۋدىڭ سوڭعى كەزەڭى – كەدەندىك جانە سالىقتىق تاۋەكەلدەردى باسقارۋ جۇيەسى (تبس). «ءبىز باقىلاۋدى جوسپارلاۋ جانە وتكىزۋدىڭ نەگىزى بولىپ تابىلاتىن ءتبس-تى رەفورمالاردان وتكىزدىك. ناتيجەسىندە كەدەندىك باقىلاۋدىڭ تيىمدىلىگى 2 ەسە ارتتى»، - اتاپ ءوتتى گ.امرين.

سونىمەن قاتار تبس اج نەگىزىندە «ۆيرتۋالدى قويما» ءمودۋلى بار تۋارلاردى ەسەپتەيتىن جانە باقىلايتىن جۇيە ەندىرىلەدى. وندا كەدەندىك دەكلاراسيي ەلەكتروندى شوت-فاكتۋرامەن بايلانىستىرىلادى. بۇل تۋارلار جەتكىزۋدىڭ بۇكىل جولىن باقىلاۋعا مۇمكىندىك بەرەدى.

ناتيجەسىندە سالىق جينالۋى مەن سالىق سالۋ اشىقتىعى ءوسىپ، قاراجات «كولەڭكىدەن» شىعارىلادى.