بۇگىن ق ر اۋىل شارۋاشىلىعى مينيسترلىگىنىڭ باسپا ءسوز ورتالىعىندا 2017 جىلعى كوكتەمگى ەگىس جۇمىستارىنىڭ جۇرگىزىلۋ بارىسى تۋرالى مينيسترلىك وكىلدەرىنىڭ قاتىسۋىمەن بريفينگ ءوتتى دەپ حابارلايدى "قامشى" اقپاراتتىق اگەنتتىگى ق ر اشم باسپا ءسوز قىزمەتىنە سىلتەمە جاساپ.

Aعىمداعى جىلى اوك سۋبەكتىلەرىمەن كوكتەمگى ەگىس جانە ەگىن جيناۋ جۇمىستارىن جۇرگىزۋگە بولىنگەن بيۋدجەتتىك نەسيە كولەمى 60 ملرد. تەڭگە. وسى قاراجاتتاردىڭ شەڭبەرىندە جالپى 3 ملن. گا ەگىستىك القاپتى قامتي وتىرىپ، 1500 اوك سۋبەكتىلەرىن قارجىلاندىرۋ كوزدەلىپ وتىر.

بيىلعى جىلى كوكتەمگى ەگىس جۇمىستارىنا بەرىلەتىن پايىزدىق مولشەرلەمە ايتارلىقتاي تومەندەتىلدى.قازىرگى تاڭدا شارۋالار تىكەلەي «اگرارلىق نەسيە كورپوراسياسىنان» بۇرىنعى         5% كرەديتتىڭ ورنىنا 2% زاەمدى الا الادى. ال ەگەر نەسيە ەكىنشى دەڭگەيلى بانك ارقىلى بەرىلەتىن بولسا، سوڭعى قارىز الۋشى ءۇشىن كرەديتتەۋ مولشەرلەمەسى 6%-دان اسپايدى. ويتكەنى بانككە قويىلعان مولشەرلەمە 3،7%-دان 2%-عا دەيىن قىسقارتىلدى. ەگەر قارجىلاندىرۋ كرەديتتىك سەرىكتەستىك نەمەسە ميكروقارجى ۇيىمى ارقىلى جۇزەگە اسىرىلاتىن بولسا، سوڭعى قارىز الۋشى ءۇشىن مولشەرلەمە 6%-دان اسپايتىن بولادى. بۇل جاعدايدا دا كرەديتتىك سەرىكتەستىك پەن ميكروقارجى ۇيىمدارى ءۇشىن كرەديتتەۋ مولشەرلەمەسى 5%-دان 3 % - عا دەيىن تومەندەتىلدى.

كورپوراسيادان نەسيە الۋ ءۇشىن شارۋالار تۇرعىلىقتى تۇرىپ نەمەسە جۇمىس ىستەپ جۇرگەن جەرلەردەگى 13 ايماقتىق فيليالدىڭ بىرىنە، سونداي-اق استانا قالاسىندا ورنالاسقان ورتالىق كەڭسەگە كەلىپ قۇجاتتارىن ۇسىنۋى ءتيىس.

وسى رەتتە، مەملەكەتتىك قاراجاتتاردى پايدالانۋدىڭ تيىمدىلىگىن جانە قايتا وڭدەۋمەن اينالىساتىن كاسىپورىنداردىڭ جۇكتەمەلىگىن ارتتىرۋ ماقساتىندا قارجىلاندىرۋ تەتىكتەرى باسىڭقى باعىتتار بويىنشا جۇزەگە اسىرىلادى. اتاپ ايتقاندا، ءبىرىنشى كەزەكتە مايلى داقىلدار مەن مال ازىعى داقىلدارى قارجىلاندىرىلادى.

ەسكە سالا كەتەيىك، قازاقستاننىڭ استىق وندىرۋشىلەرى دە بيۋدجەتتىك كرەديتتى الا الادى. جوعارىدا ايتىلعانداي، مەملەكەتتىك بيۋدجەتتەن بولىنگەن 60 ملرد تەڭگەنىڭ  22 ميللياردى 1 ساۋىرگە دەيىن باسىمدىققا يە داقىلدار ءۇشىن ساقتالادى. قالعان 38 ميلليارد تەڭگە وزگە داقىلدارعا، سونىڭ ىشىندە بيداي داقىلدارىنا دا ۇلەستىرىلەدى. 1 ساۋىردەن سوڭ 22 ملرد تەڭگە رەزەرۆتەن الىنىپ، يگەرىلمەگەن قارجى بولسا ەرەكشەلىگى مەن باسىمدىقتارعا قاراماي بارلىق داقىلدارعا  بەرىلە باستايدى.

وسى جىلى تۇقىمنىڭ ساپاسىنا ەرەكشە كوڭىل بولىنەدى. جاڭا مەملەكەتتىك باعدارلامانىڭ اياسىندا اۋىل شارۋاشىلىعى تاۋار وندىرۋشىلەرىن جوعارعى ساپالى تۇقىممەن قامتاماسىز ەتۋ ماقساتىندا تۇقىم شارۋاشىلىعىن قولداۋ مەحانيزمى جەتىلدىرىلدى. مىسالى، اعىمداعى جىلدان باستاپ بىرەگەي جانە ەليتالىق تۇقىمداردى سۋبسيديالاۋ قايتادان باستالاتىن بولادى، ال ءبىرىنشى رەپرودۋكسيالى تۇقىمدار تەك باسىمدى داقىلدار بويىنشا جانە ەڭ تومەنگى نورماسىز سۋبسيديالاناتىن بولادى. بۇدان باسقا جەمىس-جيدەك داقىلدارى مەن ءجۇزىمنىڭ ەليتالىق كوشەتتەرى جانە ءبىرىنشى ۇرپاقتى بۋداندارىن سۋبسيديالاۋ جالعاستىرىلاتىن بولادى.

ۇكىمەتتە ق ر اۋىل شارۋاشىلىعى مينيسترلىگى ۇسىنىسىمەن كوكتەمگى ەگىستىك جۇمىستارى باستالعان كەزدەن باستاپ، ديزەل وتىنىنا بەرىلەتىن اكسيز مولشەرىن ا.ج. ءساۋىر ايىنان باستاپ مامىر ايىنا دەيىن تونناسىنا 9300 تەڭگەدەن 540 تەڭگەگە دەيىن ارزانداتۋ تۋرالى شەشىم قابىلداندى

قابىلدانعان شەشىم اۋىل تۇرعىندارىنىڭ 2 ملرد. تەڭگە كولەمىندە قارجىسىن ۇنەمدەۋگە مۇمكىندىك بەرەدى.

2017 جىلعى كوكتەمگى دالا جۇمىستارىن ۋاقىتىلى جۇرگىزۋدى قامتاماسىز ەتۋ ماقساتىندا 375 مىڭ توننا مولشەرىندە قاجەتتى ديزەل وتىنىنىڭ كولەمى ايقىندالدى، ونىڭ ىشىندە 254 مىڭ توننا ءناۋرىز-ساۋىر ايىنا بەكىتىلدى. ءناۋرىز-ساۋىر ايىنا بەكىتىلگەن باعا ليترىنە 105 تەڭگە. نارىقتىق باعا ليترىنە 131 تەڭگە بولعاندا، وپەراتورلاردىڭ شىعىنىن ەسكەرە وتىرىپ، اۋىل شارۋاشىلىعى تاۋار وندىرۋشىلەرى ءۇشىن ليترىنە 121 تەڭگەنى قۇرايدى

ايتا كەتەيىك: 2017 جىلى اۋىل شارۋاشىلىعى داقىلدارىن 22 ميلليون گەكتار القاپتا ورنالاستىرۋ جوسپارلانۋدا، بۇل 2016 جىلمەن سالىستىرعاندا 311 مىڭ گەكتارعا ارتىق. ونىڭ ىشىندە كوكتەمگى ەگىس كولەمى 18،5 ملن. گا قۇرايدى.