8 ساۋىرردە ەلىمىزدىڭ نامىسىن قورعاپ جۇرگەن اتاقتى بوكسشى گەنناديي گولوۆكين ءوزىنىڭ تۋعان كۇنىن اتاپ وتپەك. قازاقستاننىڭ ەڭ تابىستى بوكسشىسى بۇگىن 35-كە تولدى. Zakon.kz بوكسشى جايىندا قىزىقتى دەرەكتەرمەن ءبولىستى. اقپاراتتىڭ قازاقشا نۇسقاسىن قامشى اقپاراتتىق اگەنتتىگى وقىرماندار نازارىنا ۇسىنادى.

1.نەگىزىنەن گەنناديي گولوۆكين كىشكەنتاي كەزىنەن فۋتبولدى سۇيگەن. بوكستان كەيىن فۋتبول گەنانىڭ سۇيىكتى سپورت ءتۇرى.

2.بوكسقا دەگەن ماحابباتىن ۇلكەن اعالارى وياتتى. الايدا، ۆاديم مەن سەرگەي اسكەردە قىزمەتتە بولعاندا قازا تاپقان. ءبىرى 1990 جىلى، ەكىنشى باۋىرى 1994 جىلى. ولاردىڭ ءولىمىنىڭ ناقتى سەبەبى ءالى دە انىقتالماعان.

3.گەننادييدىڭ كىشكەنتاي كەزىنەن ەڭ سۇيىكتى دوسى بولدى. ول – گرەي ەسىمدى نەمىس وۆچاركاسى.

4.بۇگىنگى كۇنگە دەيىنگى 37 جەكپە-جەگىنىڭ ناتيجەسى – 37 جەڭىس. ونىڭ 23ء-ىن ۋاقىتىنا جەتكىزبەي جەڭگەن.

5.گولوۆكيننەن جەڭىلىس تاپقان ارگەنتينالىق حورحە اريەل ۇزاق ۋاقىت قالپىنا كەلە الماي ءجۇردى. 2006 جىلى ول قازاقستاندىق بوكسشىعا نوكاۋتپەن جەڭىلدى. كەلەسى رينگى اراعا 5 جىل سالىپ، 2011 جىلى وتكىزدى. وسى ۋاقىتتىڭ بارىندە ارگەنتينالىق بوكسشى دەنساۋلىعىنا بايلانىستى بوكس ليسەنزياسىن الۋدا قيىندىقتار بولدى.

6.2014 جىلى برودۆەيدە تۇسىرىلگەن «روككي» ميۋزيكلىندە گەنناديي گولوۆكين بوكسشى ءرولىن سومدادى. سونىمەن قاتار، جارنامالارعا تۇسۋدە تاجىريبەسى مول.

7.ءدال سول جىلى ءوزىنىڭ «GGG» اتتى فيرمالىق بەلگىسىن پاتەنتتەدى.

8.گولوۆكيننىڭ ەڭ ۇزاق جەكپە-جەگى دەنيەلمەن دجەيكبوسپەن بولدى. سول كۇنى ءبىرىنشى رەت جەكپە-جەگىن 12ء-شى راۋندقا دەيىن جەتكىزدى. بۇدان بۇرىن 2015 جىلى مارتين ميۋررەياعا قارسى جەكپە-جەگى دە ۇزاققا سوزىلعان.

9.گولوۆكين اپتاسىنا كەم دەگەندە 3 مارتە جاتتىعادى. العاشقى جاتتىعۋى تاڭعى ساعات 7-دە باستالادى.

10.گەننادييدىڭ جارى الينا گولوۆكينا ەكى جوعارعى وقۋ ورنىن ءتامامداعان. ونىڭ ءبىرىن گەرمانيا ۋنيۆەرسيتەتىندە ءبىتىردى، سونداي-اق بىرنەشە ءتىلدى مەڭگەرگەن. الايدا، مانساپ ورنىنا وتباسىن قۇرۋدى تاڭدايدى. ەكى جاس 2007 جىلدىڭ 7 شىلدەسىندە وتاۋ قۇردى.