كوپشىلىك قىزداردىڭ ارمانى بولعان، ءۇندىستان ەلىنىڭ ەڭ اتاقتى ارتىستەرىنىڭ ءبىرى دە بىرەگەيى ميتحۋن چاكروبورتي قازىرگى ۋاقىتتا  67 جاسقا تولدى دەپ حابارلايدى قامشى اقپاراتتىق اگەنتتىگى kyrgyztimes.kg باسىلىمىنا سىلتەمە جاساپ. ءوزىنىڭ جاسىنا قاراماستان اكتەر جىلىنا  ءبىر رەت بولسىن كينوگا ءتۇسىپ تۇرادى.

بەلگىلى اكتەر كەدەي وتباسىندا دۇنيەگە كەلگەن. 15 جاسىندا ءتارتىپ بۇزعانى ءۇشىن جاۋاپقا تارتىلعان. كوشەدەگى بالا مىڭداعان كورەرمەندەردىڭ سۇيىكتىسى بولۋى ءۇشىن كوپتەگەن قيىندىقتاردى باسىنان وتكەرگەن. باسىندا قوسىمشا رولدەرگە عانا قاناعات تۇتىپ، ارتىستىك قابىلەتىن شىڭداي باستايدى. سونىمەن بىرگە بۇنى شىعارماشىلىق ءوسۋ رەتىندە ەمەس، جاي عانا اقشا تابۋدىڭ جولى رەتىندە قاراستىرىپتى.

بىرنەشە جىلداردان كەيىن تابىسقا جەتە الماي جۇرگەن اكتەر ءۇشىن باببار سۋبحاشتىڭ ۇسىنىسى كۇتپەگەن جاعداي بولدى. ءدال سول ۇسىنىس ميتحۋن چاكرابورتيننىڭ اتاقتى جۇلدىز بولۋىنا سەبەپكەر بولعان. پروديۋسسەردىڭ ايتۋى بويىنشا ميتحۋندى باستى رولگە الۋىنىڭ سەبەبى ونىڭ وزگەلەردەن دارالانىپ بي بيلەيۋى. «تانسور ديسكو» اتتى كينو تۋىندى ميتحۋن چاكرابوتيننىڭ كۇتپەگەن جەردەن اتاعىن شىعاردى. سودان كەيىن اكتەر 200-گە جۋىق كينوعا ءتۇسىپتى. ءبىراق كەز-كەلگەن ادامنىڭ ومىرىندە العاشقى ساتتەر ەشقاشان ۇمىتىلمايتىنى ءتارىزدى، ميتحۋن چاكرابورتيننىڭ العاشقى ءرولى كورەرمەندەردىڭ جۇرەگىندە ماڭگى قالادى.

اكتەر ەكى رەت ۇيلەنگەن. ميتحۋن چاكروبوتيننىڭ ءبىرىنشى ايەلى مودەل حەلەنا لوك بولعان. ءبىراق ەكى جىلدان كەيىن بەلگىسىز تۇسىنىسپەۋشىلىكتەردەن سوڭ اجىراسقان. اكتەردىڭ قازىرگى ايەلى اتاقتى اكتريسا يوگيتە بالي. ءقازىر كەزدە جۇلدىزدى جۇبايلاردىڭ 4 بالاسى بار. اكەسىنىڭ ءىزىن جالعاعان ۇلدارى شىعارماشىلىق جولىن ەندى باستاۋدا. ال اكتەر ءقازىر جەكە بيزنەسپەن اينالىسىپ، كينولارعا بۇرىنعىداي كوپ تۇسپەيدى.