2017 جىلعى 1-توقسان بويىنشا تەلەارنالاردىڭ اۋديتوريالىق كورسەتكىشتەرىنىڭ رەسمي ەسەبىنە سۇيەنەتىن بولساق، تەك «قازاقستان» تەلەارناسى عانا ورتا توقساندىق ۇلەستىڭ ناقتى وسكەنىن كورسەتتى. وتكەن جىلدىڭ وسى مەرزىمىمەن سالىستىرعاندا ول 13%-عا ءوستى جانە بۇل قازاقستاندىق تەلەارنالاردىڭ ۇزدىك بەستىگى اراسىندا جالعىز ۇلتتىق ارنا ءوز كورسەتىلىمدەرىن وسىرۋدە.

تەلەارنادا جاڭارتىلعان فورماتتاعى «تاڭشولپان» تاڭعى اقپاراتتىق-ويىن-ساۋىق باعدارلاماسى، «باستى اقپارات» جاڭالىقتار شىعارىلىمى، «باستى تاقىرىپ» ساراپتامالىق باعدارلاماسى، «اپتا» جانە «ماسەلە» اتتى اقپاراتتىق-تالداۋ سىندى جوبالارى جاقسى ناتيجە كورسەتتى. وسىلايشا، رەيتينگتى تەك قازاق تىلىندە عانا اقپارات تاراتاتىن «قازاقستان» تەلەارناسى كوش باستاپ تۇر. بۇل انا ءتىلىمىزدىڭ ىقپالى وسكەنىنىڭ، كەڭ تارالۋىنىڭ، قازاق ءتىلدى كونتەنتكە سۇرانىس ارتقانىنىڭ ايقىن بەلگىسى. ۇلتتىق ارنانىڭ اۋديتورياسىنىڭ ءوسۋى — مەملەكەتتىك ءتىلىمىزدى مارتەبەسىن ءىس جۇزىندە قولداۋ، ۇلەس قوسۋ بولىپ تابىلادى!