ورتالىق كوممۋنيكاسيالار قىزمەتىندە «ەلباسىنىڭ قازاقستان حالقىنا جولداۋى اياسىندا كوكتەمگى دالا جۇمىستارىن قارجىلاندىرۋ جانە اۋىلشارۋاشىلىعىن دامىتۋ» تاقىرىبىندا باسپا ءسوز كونفەرەنسياسى ءوتتى دەپ جازادى "قامشى" اقپاراتتىق اگەنتتىگى. باسپا ءسوز كونفەرەنسياسىنا «قازاگرو» ۇلتتىق باسقارۋشى حولدينگى» اق  باسقارما ءتوراعاسىنىڭ ورىنباسارى ايگۇل مۇحامەدييەۆ، «اگرارلىق نەسيە كورپوراسياسى» اق باسقارما ءتورايىمى گۇلناز اتامقۇلوۆا جانە «ازىق-تۇلىك كەلىسىم شارت كورپوراسياسى» ۇك» اق باسقارما ءتوراعاسىنىڭ ورىنباسارى ءسابيت قاشقىمبايەۆتار قاتىستى.

اعىمداعى جىلدىڭ ناۋرىز ايىندا حولدينگ كوكتەمگى-ەگىس جانە جيناۋ جۇمىستارىن قارجىلاندىرۋ ءۇشىن 60 ملرد.تەڭگە كولەمىندەگى جىل سايىنعى بيۋدجەتتىك قارىز قاراجاتىن الدى.

بيىلعى جىلى نەسيەلەۋ مەحانيزمى اگروونەركاسىپتىك كەشەندى دامىتۋدىڭ 2017-2021 جىلدارعا ارنالعان مەملەكەتتىك باعدارلاماسىمەن ۇيلەسىمىن تاپقان جانە ەگىستىك الاڭدارىن ءارتاراپتاندىرۋعا باعىتتالعان. بۇل ءۇشىن اعىمداعى جىلدىڭ 1 ساۋىرىنە دەيىن ءبىرىنشى كەزەكتەگى تارتىپپەن 11 باسىم داقىل بويىنشا وتىنىمدەر قابىلدانىپ، قارجىلاندىرۋ جۇزەگە اسىرىلادى، ولار: كۇنباعىس، راپس، زىعىر، سويا، ارپا، قانت قىزىلشاسى، كۇرىش، استىق جۇگەرىسى، ماقتا، س ۇلى، كارتوپ.  1 ساۋىردەن باستاپ بارلىق باسقا داقىلدار بويىنشا وتىنىمدەر قابىلدانىپ، قارجىلاندىرۋ جۇزەگە اسىرىلادى.

اۋىل شارۋاشىلىعى مينيسترلىگىمەن بەلگىلەنگەن جوسپارعا سايكەس 567،7 مىڭ گەكتار الاڭداعى باسىم داقىلدار قارجىلاندىرىلۋى ءتيىس.  كەلىپ تۇسكەن وتىنىمدەرگە سايكەس، اۋىلشارۋاشىلىق تاۋار وندىرۋشىلەرىنىڭ راپس، زىعىر، ارپا جانە كۇرىش ەگۋگە قىزىعۋشىلىقتارى ارتىپ وتىرعانى بايقالادى. سونىمەن بىرگە، تاۋار وندىرۋشىلەردىڭ 3 باسىم  داقىلعا دەگەن بەلسەندىلىگى تومەن بولۋىن اتاپ ءوتۋ قاجەت، بۇل: قانت قىزىلشاسى، ماقتا جانە استىق جۇگەرىسى.  اتالعان باعىتتاردى قارجىلاندىرۋ جۇمىستارى قويىلعان جوسپارعا جەتكەنگە دەيىن جالعاسادى.

اعىمداعى جىلى بيۋدجەتتەن بولىنگەن اقشا قاراجاتى تىكەلەي اگرارلىق نەسيە كورپوراسياسىنا ءتۇستى. قارجىلاندىرۋ ءۇش باعىت بويىنشا جۇزەگە اسىرىلادى:

•           ەكىنشى دەڭگەيلى بانكتەردى قورلاندىرۋ ارقىلى – قارىز الۋشىلار ءۇشىن سوڭعى پايىزدىق مولشەرلەمە جىلدىق 5%-دى قۇرايدى؛

•           نەسيە سەرىكتەستىكتەرىن، ايماقتىق ينۆەستيسيالىق ورتالىقتاردى، شاعىن قارجى ۇيىمدارىن قورلاندىرۋ ارقىلى – اۋىلشارۋاشىلىق تاۋار وندىرۋشىلەرى ءۇشىن سوڭعى مولشەرلەمە – جىلدىق 6%؛

•           كورپوراسيانىڭ جىلدىق 2%-بەن ەكىنشى دەڭگەيلى بانكتىڭ كەپىلدىگىمەن تىكەلەي نەسيەلەۋى، ول اۋىلشارۋاشىلىق تاۋار وندىرۋشىلەرى  ءۇشىن بانكتىڭ كەپىلدىك قۇنىن ەسەپكە العاندا شامامەن جىلدىق 6%-دى قۇرايدى.

اعىمداعى جىلى اۋىلشارۋاشىلىق كووپەراتيۆتەرىن ەكىنشى دەڭگەيلى بانكتەر ارقىلى قارجىلاندىرۋ باعدارلاماسى جالعاسادى. ەگەر، 2015 جىلى قارجىلاندىرۋ ەكى كووپەراتيۆتەن باستالسا، 2016 جىلى 10 كووپەراتيۆ قارجىلاندىرىلعان، ال بيىلعى جىلى 12 كووپەراتيۆ قارجىلاندىرۋعا ءوتىنىش جاسادى.  

ازىق-تۇلىك كەلىسىم شارت كورپوراسياسى اۋىلشارۋاشىلىق ونىمدەرىن ساتىپ الۋعا كەلىسىم-شارتتار جاساسۋ ارقىلى كوكتەمگى-ەگىس جۇمىستارىن جۇرگىزۋدى ىنتالاندىرۋعا قاتىسۋىن جالعاستىرادى. وسىلايشا، اۋىلشارۋاشىلىق تاۋار وندىرۋشىلەرىنىڭ ونىمدەرىن كەپىلدىكپەن وتكىزۋىن قامتاماسىز ەتەدى.  

بۇدان باسقا، «قازاگروقارجى» اكسيونەرلىك قوعامىنىڭ جەلىسى ارقىلى اعىمداعى جىلدىڭ كوكتەمگى-ەگىس جانە ەگىن جيناۋ جۇمىستارىن جۇرگىزۋ ءۇشىن تەحنيكا ساتىپ الۋعا 11،6 ملرد.تەڭگە قاراجات باعىتتاۋ جوسپارلانىپ وتىر.