بەسقاراعاي اۋدانىندا تۋريزم سالاسى تولىققاندى قولعا الىنىپ، بيىلعى جىلى قۇنى 250 ملن تەڭگە قۇرايتىن شيپاجاي كەشەنىنىڭ قۇرىلىسى جوسپارلانسا، شەتەلدىكتەردى قىزىقتىرعان شوشقالى كولىنىڭ اۋماعىندا تاعى ءبىر شيپاجاي قۇرىلىسىنىڭ جوسپارى قولعا الىنعان دەپ حابارلايدى "قامشى" اقپاراتتىق اگەنتتىگى.

         بۇل جايلى شىعىس قازاقستان ايماقتىق كوممۋنيكاسيالار قىزمەتىندە وتكەن باسپا ءسوز ءماسليحاتى بارىسىندا بەسقاراعاي اۋدانى اكىمىنىڭ م.ا. ەربولات راحمەتۋللين مالىمدەدى.

         – اۋداندا «ەكى دوس» ج ش س جاڭا شيپاجاي كەشەنىن سالۋ ۇستىندە. قۇنى 250 ملن. تەڭگە قۇرايتىن كەشەن قۇرىلىسىنىڭ 80%-عا جۋىق بولىگى اياقتالىپ قالدى. جاڭا شيپاجايدا مارال قانىمەن ەمدەۋ كەشەنى، كيىز ءۇي قالاشىعى، 300 ورىندىق مەيرامحانا، 120 ورىندىق ءقوناقۇي بولماق، – دەدى ەربولات راحمەتۋللين.

         سونداي-اق شەتەلدىكتەردى تامساندىرعان شوشقالى كولىنىڭ جاعالاۋىندا جاڭا شيپاجاي كەشەنىنىڭ جوباسى جاسالۋدا. ەمدىك بالشىعى جانە اسەم تابيعاتىمەن شەتەلدىك تۋريستەردىڭ نازارىن اۋدارعان كولگە اپارار جولدى جوندەۋدى قولعا الىنباق. ايتا كەتسەك، اتالمىش كولدىڭ سۋى قۇرامى جاعىنان يزرايلدەگى ءولى تەڭىزدىڭ سۋىمەن تەڭ.