قازاقستاندا ادام اعزاسىن زاڭسىز تۇردە ساتۋ جونىندە 4 ايعاق ايقىندالدى. بۇل جونىندە ىشكى ىستەر مينيسترلىگى قازاقپاراتتىڭ ساۋالىنا جاۋاپ بەرۋ بارىسىندا ايتتى.

مينيسترلىكتىڭ حابارلاۋىنشا، العاشقى وقيعا 2015 جىلى استانادا انىقتالعان. ول كەزدە دونور $15 000-عا بۇيرەك ساتپاقشى بولدى. ساتۋشى ءبىر جارىم جىلعا باس بوستاندىعىنان ايىرىلعان.

2016 جىلى پوليسەي قىزمەتكەرلەرى زاڭسىز تۇردە ادام اعزاسىن ساۋداعا سالعان ەكى ايعاقتى تاپتى.

ال، بۇگىنگى تاڭدا الماتىلىق پوليسەي قىزمەتكەرلەرى بۇيرەك ساتۋشىعا بايلانىستى ناقتى ايعاقتارعا قاتىستى تەرگەۋ جۇمىستارى جۇرگىزىلۋدە.

«قازاقستان رەسپۋبليكاسىندا ادام اعزاسىن زاڭسىز تۇردە ساۋدالاۋ جونىندە قىلمىسقا بارعان ادام قىلمىستىق كودەكسىنىڭ 116-بابىنا سايكەس ەڭ كوپ دەگەندە 20 جىلعا باس بوستاندىعىنان ايىرىلادى» دەپ جاۋاپ بەردى ءىىم ءتىل جانە اقپارات جونىندەگى مەملەكەتتىك دەپارتامەنتىنىڭ ديرەكتورى الماس سادۋبايەۆ.

ادام اعزاسىن ساۋداعا سالۋ نەمەسە كۇشپەن الۋ جوىنىدە تاعى ءبىر قۇجات – «حالىق دەنساۋلىعى جانە دەنساۋلىقتى ساقتاۋ جۇيەسى» كودەكسى دە بار.

زاڭسىز ادام اعزاسىن ساۋدالاۋمەن اينالىسقان ادام عانا ەمەس، ونىڭ سىبايلاستارى دا ايىپتى بولىپ تانىلادى.

سونىمەن قوسا، ۇلتتىق عىلىمي حيرۋرگيا ورتالىعىنىڭ جەتەكشىسى سىزعانوۆا، الماتى قالاسىنىڭ باس ترانسپلانتولوگى بولاتبەك بايماحانوۆ ادام اعزاسىن ترانسپلانتاسيالاۋ ارقىلى وتا جاساۋ مۇمكىن ەمەس ەكەنىن ايتادى.

«بۇل ابسۋرد  جانە ەشكىمگە كەرەك ەمەس. زاڭعا قايشى اعزانى كوشىرۋدىڭ كىمگە قاجەتى بار؟ ونىڭ ءبارى زاڭدىق تۇرعىدان رۇقسات ەتىلگەن عوي. ەسى دۇرىس حيرۋرگ جاسىرىن تۇردە ونداي وتا جاسايدى دەپ ويلامايمىن. ونىڭ ۇستىنە، جاسىرىن ترانسپلانتاسيالاۋ مۇمكىن ەمەس. ترانسپلانتاسيا ءۇزىپ الۋ، كەسىپ الۋ دەگەن ءسوز ەمەس. بۇل حيرۋرگتار، انەستەزەزيولوگتار، مەدبيكەلەردەن تۇراتىن كەمىندە 40-45 ادامنىڭ قاتىسۋى ءتيىس كۇردەلى پروسەسس» دەدى بايماحانوۆ.

رەسپۋبليكالىق ترانسپلانتاسيالاۋ جونىندە كوورديناسيالىق ورتالىعىنىڭ مالىمدەگەنىندەي، 3000-عا جۋىق قازاقستاندىقتار اعزانى ترانسپلانتاسيالاۋ جونىندە كەزەكتە تۇر. كوبىسى بۇيرەك اۋىستىرۋ بويىنشا، ال 15%-ى باۋىر ترانسپلانتاسيالاۋ بويىنشا كەزەكتە.