قازاقتىڭ بارد ءانشىسى تابىلدى دوسىموۆتىڭ اندەرىنىڭ جەلىسى بويىنشا «ماحاببات اللەياسى» اتتى (ميۋزيكل) سپەكتاكلىنىڭ پرەمەراسى بولادى دەپ حابارلايدى Qamshy.kz
تۇڭعىش رەت وتكەلى وتىرعان قويىلىم 2017 جىلدىڭ 21 ساۋىرىندە 19.00-دە قازاقكونسەرت زالىندا وتەدى. (الماتى ق. ابىلاي حان، 83. ايتەكە بي ك-سى قيىلىسى).
قويىلىم بارىسىندا تابىلدى دوسىموۆتىڭ 14-تەن استام اندەرى جاندى داۋىستا ورىندالادى. جانە دە ءارتۇرلى تاعدىرلاردىڭ باستان كەشكەن ماحاببات حيكايالارى سۋرەتتەلەدى.
سپەكتاكلدى قويۋشى «Aلماتى-Music» تەاترى. تەاتر جەتەكشىسى، رەجيسسەرى ت.وماروۆ. مۋزىكالىق جەتەكشى – ا.ايدىن ۇلى.
كەشتىڭ ءقادىرلى قوناعى بولىپ ت.دوسىموۆتىڭ جانۇياسى كەلەدى. كوز كورگەن دوستارى مەن ءان سۇيەر اعايىندى دا كەشكە قاتىسادى.
قويىلىم باستالماس بۇرىن قوناقتارعا تەگىن كوفە-برەيك ازىرلەنگەن، سونداي-اق تابىلدىنىڭ ءسىز ەستىمەگەن اندەرى وينالىپ، توسىن سىيلار جاسالادى.
پىكىر قالدىرۋ