15 ساۋىردە قازاقستان ۋاقىتى بويىنشا ساعات 22.00 «حابار» تەلەارناسى قىتايدا ءوتىپ جاتقان «Singer» بايقاۋىنىڭ فينالىن كورسەتەدى دەپ حابارلايدى "قامشى" اقپاراتتىق  اگەنتتىگى.

قازاقستاندا جوبا «مەن ءانشىمىن» دەگەن اتاۋمەن «حابار» تەلەارناسىندا كورسەتىلەدى. بايقاۋعا بەلگىلى قازاقستاندىق ءانشى ديماش قۇدايبەرگەن قاتىسادى، ول جەكە ءبىر ءان، دۋەتپەن ءبىر ءان ورىندايدى.

فينال تەليەۆيزيالىق ترانسلياسيامەن قاتار الماتىداعى «Mega Alma-Ata» سوسو مەن استاناداعى «Mega Silk Way» سوسو ۇلكەن ەكراندارىندا كورسەتىلەتىن بولادى.  

         14 ساۋىردە، فينال كورسەتىلىمىنەن ءبىر كۇن بۇرىن، «حابار» ديماشتىڭ ءومىرى تۋرالى تۇسىرگەن دەرەكتى ءفيلمىن 21:30-دا كورسەتەدى. فيلمدە ونەر يەسىنىڭ تۋعان-تۋىسقاندارى، دوستارى مەن كۋرستاستارى ديماش تۋرالى ءوز پىكىرلەرىمەن جانە ونىڭ ءومىرىنىڭ بەلگىسىز فاكتىلەرىمەن بولىسەدى.

«Singer» جوباسى - ايگىلى حالىقارالىق مۋزىكالىق بايقاۋ، 2013 جىلى قىتايدا ىسكە قوسىلعان «I Am a Singer» كورەي شوۋىنىڭ فرانشيزاسى.