قوستاناي وبلىسىنىڭ اكىمى ارحيمەد مۇحامبەتوۆ ەلباسى نۇرسۇلتان نازاربايەۆتىڭ جولداۋىنىڭ دۇرىس جەتكىزبەگەن شەنەۋنىكتەردى قاتاڭ سىنعا الدى، دەپ جازادى قامشى اقپاراتتىق اگەنتتىگى.
قوستاناي جاڭالىقتارىنىڭ حابارلاۋىنشا، وبلىس اكىمىنىڭ سىنى بارلىق مەكەمەلەردىڭ باسشىلارى قاتىسقان جيىندا ايتىلدى. وبلىستىق ىشكى ساياسات ءبولىمىنىڭ باسشىسى بيبىگۇل ايتقوجينانىڭ بايانداماسىنان كەيىن ارحيمەد مۇحامبەتوۆ ەلباسىنىڭ سوزدەرى كورىنبەيتىن جەرلەرگە ىلىنگەنىن العا تارتىپ، قايتا قولعا الۋدى ۇسىندى.
«باننەرلەردىڭ قاي جەردە ءىلىنىپ تۇرعانى بەلگىسىز. ءبىرى، ءتىپتى، جەكە سەكتوردا ءىلىنىپ تۇر. قالانىڭ ورتالىق كوشەلەرىندە ءىش كيىمدەر مەن سۋسىنداردىڭ جارنامالارىنان باسقا تۇك جوق. بۇل ماسەلەنى دەرەۋ شەشۋ كەرەك! جولداۋ حالىققا كورىنەتىن جەردە ءىلىنىپ تۇرۋى ءتيىس» دەپ قاتاڭ ەسكەرتۋ جاسادى وبلىس اكىمى.
بۇنىمەن ەسكەرتۋ اياقتالا قويمادى. حالىق الدىندا پرەزيدەنت جولداۋىنىڭ ماڭىزدى بولىكتەرىنىڭ دۇرىس جەتكىزىلمەيتىنىن ايتتى. بريفينگتەردىڭ فورمالدى وتەتىنىن ايتا وتىرىپ، ۇجىم الدىندا ناعىز ءوز ءىسىنىڭ شەبەرلەرى سويلەۋ كەرەك ەكەنىن ەسكەرتتى. سول كەزدە عانا ءىستىڭ ءمان-جايى حالىققا دۇرىس جەتەتىنىنە سەنىمدى
