ءبىلىمدى ۇرپاق – مەملەكەتتىڭ كەلەشەگى، ال بىلىممەن قاتار ونەردىڭ تۋىن  جەلبىرەتىپ جۇرگەن جاس ورەندەرىمىز قانشاما. ءار حالىقتىڭ، ءار ۇلتتىڭ، ادامزات قوعامىنىڭ ەرتەڭگى كۇنگە ءۇمىت ارتار سەنىمى  دە، سەرىگى دە – بالالار.  وسى تۇستا جاسوسپىرىمدەردىڭ جۇلدىزى جانىپ، تانىمال انشىلەردىڭ سىنىنان سۇرىنبەي وتۋگە جول اشقان، قىراعى كوزدى قازىلار القاسىنان ءادىل باعالارىن الۋعا مۇمكىندىك بەرگەن، كوپشىلىك قاۋىم كورەرمەننىڭ قوشەمەتىنە بولەندىرگەن، جاس تالانتتاردىڭ بولاشاعىنا جولداما بەرگەن «ايگولەك» بالالار بايقاۋىنىنىڭ الاتىن ورنى ەرەكشە.  2009 جىلدان 2014 جىل ارالىعىندا قازاقستاننىڭ تۇپكىر-تۇپكىرىنەن كەلگەن 5 جاستان 14 جاسقا دەيىنگى دارىندى بالالار 5 ماۋسىم بويى  ءدۇبىرلى دودادا ب ا ق سىناسىپ، ءوز ونەرلەرىمەن كوپشىلىكتىڭ كوڭىلىنەن شىعا ءبىلدى.

«ايگولەك» بالالار بايقاۋىنىڭ ءار كەزەڭىندە ب ا ق سىناسقان بالا كۇنىنەن ساحناعا اۋەستەنىپ، ونەر جولىن تاڭداعان جاستارمەن قامشى اقپاراتتىق اگەنتتىگىنىڭ ءجۋرناليسى سۇحباتتاسقان بولاتىن. سۇحبات بارىسىندا جاس ونەرپازدار وزدەرىنىڭ جەكە شىعارماشىلىعىنداعى جاڭالىقتارمەن ءبولىسىپ، «ايگولەك» بالالار بايقاۋىندا جۇلدىزى جانعان بالالار جايىندا ايتىپ بەردى.

ءاليحان بايسۇلتانوۆ، «ايگولەك» بالالار بايقاۋىنىڭ 1 ماۋسىم قاتىسۋشىسى ءارى جۇرگىزۋشىسى: جەكە شىعارماشىلىعىمدا جاڭالىقتار كوپ، وزگەرىستەر دە بار. ماسەلەن، جاڭا اندەر جازىپ، بەينەباياندى دا جوسپارلاۋدامىز. بۇگىندە «ونەر قىراندارىنىڭ» بەلدى اكتەرى، ونەردەگى، ومىردەگى اعام ءانۋار شىمىرقۇلوۆپەن بىرلەسە جۇمىس ىستەپ جاتىرمىز. «ايگولەككە» قاتىسىپ بۇگىنگى كۇندە روزا رىمبايەۆا، توقتار سەرىكوۆ، مەلس ساعاتۇلىمەن جۇمىس ىستەپ جۇرگەن تالانتتى ونەرپازدار بار. ولار: ايگەرىم مەرگەنباي، داريا بولسانبەك، دونوۆ ەلدوس، اليشەر جاقسىباي.

اليشەر جاقسىباي، «ايگولەك» بالالار بايقاۋىنىڭ 2ء-شى ماۋسىم قاتىسۋشىسى: شىعارماشىلىعىم جايلى ايتاتىن بولسام قازىرگى كەزدە مەلس ساعاتۇلىمەن بىرگە جۇمىس ىستەپ جاتىرمىن. 2014 جىلى پەتەربور قالاسىندا وتكەن «پۋت ك زۆەزدام» بايقاۋىندا  2-ورىن يەگەرى اتاندىم جانە قازىرگى كۇندە ونەر سالاسىمەن قاتار سپورتتى قاتار الىپ جۇرگەن جايىم بار. ونەر جولىندا ءوزىمدى شىڭداپ، بەينەباياندار تۇسىرمەك نيەتتەمىن.

داريا بولسانبەك، «ايگولەك» بالالار بايقاۋىنىڭ 2ء-شى ماۋسىم قاتىسۋشىسى: شىعارماشىلىعىمداعى جاڭالىقتاردى ايتار بولسام،  «ايگولەك» بالالار بايقاۋىنا قاتىسقاننان كەيىن لاتۆيا، ليتۆا، جۇڭگو، يتاليا مەملەكەتتەرىندە وتكەن بايقاۋلاردا ءبىرىنشى ورىندى يەلەندىم. ال وسى جىلى مايرا يلياسوۆا اپامىزدىڭ  ۇيىمداستىرۋىمەن وتكىزىلگەن «جان انام»، «ساعىندىرعان اندەر-اي» كونسەرتتەرىنە قوناق رەتىندە شاقىرىلىپ،  روزا رىمبايەۆا اپامىزبەن بىرگە ءان ايتتىم.  ال «ايگولەككە» قاتىسقان بالالار جايلى ايتار بولسام بارلىق قاتىسۋشىلار وتە مىقتى بولدى، ازداعان ۋاقىت ىشىندە بارلىعىمىز بىر-بىرىمىزگە باۋىر باسىپ قالدىق. «ايگولەك» بايقاۋىنان مەن ۇلكەن تاجىريبە جيناقتادىم جانە جاس جۇلدىزداردىڭ جانۋىنا جول اشقان عاليا بايبوسىنوۆاعا ۇلكەن العىس بىلدىرەمىن.

ەلدوس دونوۆ، «ايگولەك» بالالار بايقاۋىنىڭ 4ء-شى  ماۋسىم قاتىسۋشىسى: «بۇگىندە ءوزىمنىڭ ۇستازىم توقتار سەرىكوۆپەن بىرلەسىپ جۇمىس ىستەپ جاتىرمىن جانە جەكە اۆتورلىق اندەرىم جارىق كورۋدە. بولاشاقتا ءانشى بولۋ مەنىڭ ارمانىم جانە ونەر جولىندا ءاردايىم ىزدەنىس ۇستىندەمىز.  «ايگولەك» بالالار بايقاۋى، ەڭ الدىمەن، ماعان تاجىريبە بەردى دەپ ەسەپتەيمىن، ويتكەنى ءار كەزەڭنەن وتكەن سايىن قازىلار القاسى ءبىزدى ءار قىرىمىزدان كورگىسى كەلدى. سونىڭ ارقاسىندا ءبىز شىڭدالا تۇستىك. قازاقستاننىڭ تۇپكىر-تۇپكىرىنەن كەلگەن بالالارمەن دوستاستىرعان «ايگولەك» بالالار بايقاۋىنىڭ ۇيىمداستىرۋشىلارىنا العىسىم شەكسىز جانە وسى تەكتەس بايقاۋلار كوپتەپ بولا بەرسە ەكەن دەگەن تىلەگىم بار.

رەسپۋبليكالىق «ايگولەك» بالالار بايقاۋى – بولاشاقتىڭ باستاۋى. جاس تالانتتاردىڭ حالىققا تانىلۋىنا جول اشقان ونەر سايىسى كورەرمەننىڭ ىقىلاسىنا بولەنگەنىن ايتا كەتكەن ءجون جانە جاس ونەرپازداردىڭ جۇلدىزىن جاققان تەليەۆيزيالىق بايقاۋ ءوز جالعاسىن تابادى دەگەن ۇمىتتەمىز. وسى رەتتە رەسپۋبليكالىق «ايگولەك» بالالار بايقاۋىنىڭ پروديۋسەرى بايبوسىنوۆا عاليا احات قىزىنىڭ پىكىرىن سۇراعان بولاتىنبىز.

«ايگولەك» بالالار بايقاۋىنىڭ پروديۋسەرى بايبوسىنوۆا عاليا احات قىزى: «بۇگىندە «ايگولەك» بالالار بايقاۋىنىڭ 1ء-شى ماۋسىمىندا ونەر كورسەتكەن ونەرپازداردىڭ جاسى 17 مەن 19 ارالىعىندا جانە باسىم كوپشىلىگى ونەر جولىندا ءبىلىم الۋدا. ال «ايگولەك» بايقاۋىنا قاتىسقان ونەرپازدار ۇلكەن مەكتەپتەن ءوتتى، سەبەبى 4-5 اينالىم كەزىندە ونەرپازدار حورەوگرافيادان، ۆوكالدان ساباق الىپ، كامەرا الدىندا جۇمىس ىستەۋ قابىلەتىن دامىتادى، ساحنامەن جۇمىس ىستەۋدى ۇيرەنەدى. سونىمەن قاتار «ايگولەكتىڭ» ساحناسىندا وسكەن جۇرگىزۋشىلەرىمىز اليحان  6 جاسىنان، نازىم 8 جاسىنان، ەركەش 10 جاسىنان باستاپ رەسپۋبليكالىق بايقاۋدىڭ ورتاسىندا ءجۇر. بۇگىندە اليحان جەكە دارا ءانشى، ۇلتتىق ارنادا «اكە» سەريالىنىڭ باستى ءرولىن سومدادى.  ەركەش پەن نازىم «ءلۇپىل» توبىندا ونەر كورسەتىپ، كامەلەتتىك جاسقا تولعان سوڭ ەركەش «Alem Band» توبىنا، ال نازىم «كەشيۋ»  توبىنا شاقىرتۋ الدى. شامامەن 7-8 جىل كولەمىندە «ايگولەكتە» ونەر كورسەتكەن جاڭا بۋىن قازاق ەستراداسىنا كەلەدى دەپ سەنەمىن. ال تەليەۆيزيالىق «ايگولەك» بايقاۋى 2 ماۋسىم بولدى وتكىزىلىپ جاتقان جوق، بۇيىرتسا ۇلتتىق ارنادان تاعى بايقاۋىمىز ءوز جالعاسىن تابادى دەگەن ۇمىتتەمىز»

«ايگولەك» بالالار بايقاۋىنىنا قاتىسۋ ءۇشىن قازاقستاننىڭ ءار قالاسىنان ۇسىنىستار ءتۇسىپ جاتقانىن ايتىپ، بايقاۋدىڭ ءوز جالعاسىن تابۋى ۇلتتىق ارنانىڭ شەشىمىنە بايلانىستى ەكەنىن اتاپ ءوتتى بەلگىلى پروديۋسەر عاليا احات قىزى.

«ءانشى بالاپان» بايقاۋىنىڭ قاتىسۋشىلارى بۇگىندە ساحنانىڭ جۇيرىكتەرىنە اينالسا، «ايگولەك» بالالار بايقاۋى جاس ونەرپازدارعا جول اشاتىنى انىق.  ەندەشە، «ايگولەكتىڭ» جۇلدىزدارىن بىرگە جاعايىق!

قامشىگەر: ايگەرىم تاۋباي