"ۆكونتاكتە" الەۋمەتتىك جەلىسىنىڭ نەگىزىن قالاۋشىلاردىڭ ءبىرى، "Telegram" مەسسەندجەرىنىڭ نەگىزىن قالاۋشى پاۆەل دۋروۆ ءوزىنىڭ  "ۆكونتاكتە"  الەۋمەتتىك جەلىسىندە ۆيرتۋالدى دوستار تۋرالى ءوزىنىڭ پىكىرىن ءبىلدىردى. بۇل تۋرالى قامشى اا    life.ru-عا سىلتەمە جاساپ حابارلايدى.

ول ءوزىنىڭ الەۋمەتتىك جەلىسىندە دوستارىنىڭ بارلىعىن جويىپ تاستاۋىنىڭ سەبەبىن بىلاي دەپ ءتۇسىندىردى: «الەۋمەتتىك جەلىدەگى دوستار-2012 جىلعى قۇبىلىس.  مۇنداي قارىم-قاتىناس ءمانسىز جانە ۇزاق» دەپ باعالادى.

«كەرەك ادامداردىڭ بارلىعى مەسسەندجەرلەردە بار. وزگە ادامداردىڭ جاڭالىقتارىن وقۋ- ميدى كەرەكسىز اقپارتپەن تولتىرۋ».

سونىمەن بىرگە، دۋروۆ ەسكى نارسەلەردەن قول ۇزۋدەن قورىقپاۋ قاجەتتىگىن اتاپ ءوتتى. ول ەسكى يدەيالار بولسىن، جۇمىس ورنى بولسىن بارلىعىنان باس تارتۋدان قورىقپاۋ قاجەت دەيدى ول.

«ەڭ ۇزدىك نارسە- جاقسى نارسەنىڭ دۇشپانى. ۇزدىك نارسەگە جەتۋدەگى باستى كەدەرگى- جاقسى نارسەدەن باس تارتپاۋ، ياعني ءسىزدىڭ قولىڭىزدا بار دۇنيەدەن باس تارتپاۋ»- دەيدى ول ءسوز جازباسىندا.

ايتا كەتەيىك، پاۆەل دۋروۆ ءوزىنىڭ بارلىق الەۋمەتىك جەلىسىندە دوستارىن جويىپ تاستاعان. ونى كوپشىلىك ءبىرشاما تالقىعا سالىپ، سوككەندەر دە، قولداعاندار دا تابىلدى.