ميلليون دوللار پارامەن ۇستالعان بۇرىنعى «قورعاس ءىسى» ورتالىعىنىڭ باسشىسى بوساتىلدى

    Assem Almuhanbet
    ميلليون دوللار پارامەن ۇستالعان بۇرىنعى «قورعاس ءىسى» ورتالىعىنىڭ باسشىسى بوساتىلدى

    اۋىزباستىرىقتى ميلليونداپ العانىمەن، اباقتىدا التى اي دا وتىرعان جوق! الماتى سوتى بىلتىر ميلليون دوللار پارامەن ۇستالعان بۇرىنعى "قورعاس" حالىقارالىق ورتالىعىنىڭ باسشىسىن بوساتتى. ۆاسيليي ءنيدىڭ كىناسىن بىردەن مويىنداي قويۋ جەڭىل جازاعا سەبەپ بولدى دەپ ءتۇسىندىردى سوتتاعىلار دەپ حابارلايدى ktk.kz.

    ءنيدىڭ قولىنا بىلتىر قىركۇيەكتە كىسەن سالىنعان. جەمقورلىققا قارسى ۇلتتىق بيۋرونىڭ مالىمەتىنشە، ميلليون دوللارعا ول حالىقارالىق ورتالىقتىڭ اۋماعىندا 5 جۇلدىزدى قوناق ءۇي سالۋعا رۇقسات ەتپەك بولىپتى. ءسويتىپ، كەلىسىلگەن اۋىزباستىرىقتى الۋعا ينۆەستورلارمەن جۇمىس ءبولىمىنىڭ جەتەكشىسى ماحاببات سايدۋللايەۆا جۇمساعان. ءبىرى پارا بوپسالاپ، ەكىنشىسى ونى جەتكىزۋمەن اينالىسقانى ءۇشىن ايىپ تاعىلعاندار ەندى جازادان بوساپ وتىر. بۇرىن ءىستى بولماعان، كىناسىن دە تەز مويىندادى، ءارى كىشكەنتاي بالاسى بار دەپ ەكەۋىن بىردەي تۇرمەدەن شىعارۋدى پروكۋرورلاردىڭ وزدەرى سۇراعان ەكەن. سوت تا بۇل ۋاجبەن تەز كەلىسە قويعان. دەسە دە، سوتتىڭ بۇل ۇكىمىن زاڭگەرلەر تۇسىنە الماي وتىر.

    جوحار وتەبەكوۆ، زاڭگەر:

    -كىناسىن مويىنداعانى ءۇشىن عانا اسا اۋىر قىلمىس جاساعان ادامدى جاۋاپكەرشىلىكتەن بوساتىلعانىن كوپتەن بەرى ەستىگەن ەمەسپىن. بۇل جاعدايدا  دۇنيە-مۇلكىسى تاركىلەنبەدى، ايىپپۇل دا سالىنبادى. ءتىپتى قىزمەتىن ارى قاراي جالعاستىرا بەرۋگە مۇمكىندىگى بار ەكەن. ەرەكشە جۇمساق ۇكىمگە پارانىڭ سوماسى اسەر ەتكەن بولار. 

    قاتىستى ماقالالار