وزگە ەلدى قايدام؟ جۇڭگو ەلىندەگى قازاقتار قالاعان كەزىندە شەتەلگە شىعاتىن ءتولقۇجات الا المايدى. ول ءۇشىن بۇرىندارى ارنايى شاقىرتۋ قاجەت بولعان. ءقازىر «ىشىنە ءتولقۇجاتىنىڭ كوشىرمەسىن سالىپ، ءتيىستى تۋىستارى حات جازسىن» دەگەن جارلىق شىعىپتى. قازاقتىڭ ءبارى تۋىس. ەندەشە قازاققا قازاق قوسۋعا اتسالىسىڭىز اعايىن! حات كۇتىپ جاتقان اعايىندى ءبىز ايتىپ بەرەمىز... ءسىز تەك حات جازىڭىز. ورالماندارعا بايلانىستى وي-پىكىرىڭىزبەن ءبولىسىپ، سايتقا جاريالاۋ ءبىزدىڭ موينىمىزدا. بۇل حاتتار جاي حات ەمەس، تاريحقا تاسپەن جازىلاتىن حات.
حال قالاي، باۋىرىم!
سالەم ساعان، التايىم،
تەنتەگىڭ سونشا ساعىندى.
جوعالىپ كەتكەن ءبىر تايىڭ،
تارلانداپ بارىپ تابىلدى! –دەپ جىرلاپ ەدى كەزىندە ماعاز رازدان اتامىز. مارقۇمنىڭ سول ولەڭى بارشا قازاقتىڭ تامىرىن ءدوپ باسقان ەدى. راس. ۇيىرىنەن اداسقان قاسقا قۇلىنعا باسقانىڭ نوقتاسى سالىناتىنى ءسوزسىز. تەك تەمىرقازىعىنان جاڭىلماسا عانا اتاجۇرتتىڭ جۋسان ءيسى ءوزى شاقىرادى. يلايىم، بۇگىنگى قازاققا بوزىنگەننىڭ مەيىرىن بەرسىن دەيمىز.
وزگە ەلدە ۇلىق بولعانشا، ءوز شاڭىراعىڭا ۋىق بول باۋىرىم! كەلۋىڭدى اسىعا كۇتەمىن!
قۇمار جۇماحان ۇلى
پىكىر قالدىرۋ